Навукоўцы стварылі экалагічна чыстую і больш трывалую альтэрнатыву пенапласту
Навукоўцы атрымалі экалагічна чысты цеплаізаляцыйны матэрыял, выдаліўшы з драўніны лігнін. Пра вынаходніцтва паведамляе advances.sciencemag.org.
Пенапласт — адзін з лепшых цеплаізалятараў: лёгкі, нетаксічны для чалавека і непрыступны для бактэрый. Але галоўны яго недахоп, які прымушае навукоўцаў шукаць яму замену, палягае ў тым, што пенапласт не паддаецца натуральнаму раскладанню і забруджвае навакольнае асяроддзе.
У пошуках альтэрнатывы група даследчыкаў з Універсітэта Мэрылэнда звярнулася да праверанага матэрыялу — драўніны. Выдаліўшы з яе ўвесь лігнін і некаторыя іншыя элементы, навукоўцы атрымалі звышлёгкі гнуткі матэрыял, які назвалі Nanowood — «Нанадраўніна».
Лігнін — рэчыва жоўтага або жоўта-карычневага колеру, якое не раствараецца ў вадзе і арганічных растваральніках. Лігнін знаходзіцца ў сценках клетак і міжклетачнай прасторы і вызначае механічную трываласць ствалоў і сцёблаў раслін. У драўніне ўтрымліваецца прыблізна 30% лігніну (у драўніне іглічных пародаў — да 50%).
Даследаванні паказалі, што новы матэрыял значна апярэджвае традыцыйны пенапласт у тэстах на цеплаізаляцыйныя ўласцівасці. Акрамя таго, Nanowood ў 30 разоў лепш супрацьстаіць дэфармацыі.
Стваральнікі ўпэўненыя, што патэнцыял новага матэрыялу велізарны. Па словах Чан Лі, вядучага аўтара даследавання, выкарыстанне «нанадраўніны» дапаможа зэканоміць мільярды даляраў. У дадатак да традыцыйных абласцей прымянення пенапласту, Nanowood можа быць выкарыстаны для цеплаізаляцыі ўнутраных паверхняў труб: у адрозненне ад шклаваты, ён не выклікае алергічных рэакцый.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары