Названы самы папулярны мэсэнджар у Беларусі
Арганізацыя Baltic Internet Policy Initiative замовіла правядзенне даследавання, якімі мэсэнджарамі карыстаюцца ў Беларусі. Аказалася, на першым месцы знаходзіцца Viber. Вынікі апытання апублікаваны на infopolicy.biz.
Даследаванне праводзілася ў жніўні на працягу двух тыдняў. Колькасць апытаных склала 662 чалавекі ва ўзросце ад 15 да 74 гадоў. У прыватнасці, яны адказвалі на пытанне, якімі мэсэнджарам карысталіся за апошні месяц.
Абсалютным лідарам у Беларусі з'яўляецца Viber — 70%. Затым ідуць Skype — 38%, WhatsApp — 25%, Telegram — 23% і Facebook Messenger — 17%. Пры гэтым 10% апытаных адказалі, што не карыстаюцца мэсэнджарамі наогул.
Калі казаць пра ўзрост карыстальнікаў, Viber найбольш папулярны ў апытаных ва ўзросце 25—44 гады, яго абіраюць больш за 80%. Telegram — больш за 50% ва ўзросце 15—24 гады, а вось Skype — 46% ва ўзросце 55—74 гады.
Апытанка
Цяпер чытаюць
Адданага ябацьку, які абражаў Святлану Ціханоўскую ў Threads, кінулі за краты21
Адданага ябацьку, які абражаў Святлану Ціханоўскую ў Threads, кінулі за краты
Дарадца прэзідэнта Польшчы пракаментаваў зварот Калеснікавай і Золатавай: Лукашэнка выпускае некалькі дзясяткаў вязняў, а на наступны дзень затрымлівае новых55
Каментары