Экс-камандзір вайсковай часткі 3214 Дзмітрый Паўлічэнка працягвае катэгарычна адмаўляць знаёмства з былым супрацоўнікам САХРа Юрыем Гараўскім, які заявіў пра датычнасць да забойстваў Юрыя Захаранкі, Віктара Ганчара і Анатоля Красоўскага.
«Мне сябры пазванілі, сказалі, што ніхто з іх яго не прызнаў. Мяркуючы па тым відэа, ніхто яго не ведае», — сказаў Паўлічэнка ў каментары «НН».
Аднак на сайце «Советской Белоруссіі» знайшоўся здымак, на які яны патрапілі абодва. Гэта рэпартаж са святкавання 20-годдзя ўтварэння аб'яднання ветэранаў «Гонар».
Ля трыбуны Дзмітрый Паўлічэнка. А ў трэцім шэрагу абведзены Гараўскі — мужчына з кійком у руках (наступствы аўтамабільнай аварыі). Побач з ім такія ж былыя спецназаўцы, ніхто з якіх нібыта не прызнае былога саслужыўца.
дапоўнена:
Здымак у такім жа адзенні ёсць і Юрыя Гараўскага і ва «Укантакце»
Цяпер чытаюць
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы1616
Каментары