Францыя прызнала няўдачы ў сваім адказе на гвалт. Цяпер разгортвае войска і рыхтуецца да новых пратэстаў
Да новых акцый пратэсту 24 кастрычніка французскія ўлады рыхтуюць маштабную аперацыю: прыцягнуць вайскоўцаў і падмацаванне для паліцыі, а таксама перагледзяць тактыку. Урад прызнаў, што падчас беспарадкаў на мінулых выхадных дапусціў правалы ў працы спецслужбаў і разгортванні паліцэйскіх сіл.
«Разгортванне сіл у наступную суботу будзе маштабным», — заявіў 20 кастрычніка прэм’ер-міністр Францыі Себасцьян Лекарню, паведамляе Reuters.
Паводле яго, першачарговая задача — аднавіць парадак пасля рабаванняў і падпалаў, якія 17 кастрычніка ахапілі Парыж, Марсэль, Ліён і іншыя гарады.
Міністр унутраных спраў Ларан Нуньес расказаў у парламенце, як плануюць выкарыстоўваць войска.
Вайскоўцам перададуць частку задач пастаяннай аховы, каб вызваліць паліцэйскіх і жандараў для падтрымання парадку падчас пратэстаў.
Улады таксама рыхтуюць падмацаванне са спецыяльных падраздзяленняў паліцыі і жандармерыі. Сярод сродкаў, якія могуць задзейнічаць, — бронемашыны, верталёты і вадамёты.
Акрамя таго, Нуньес дапусціў забарону асобных дэманстрацый, у тым ліку зарэгістраваных, калі ўлады палічаць, што яны могуць выйсці з-пад кантролю, паведамляе BFMTV.
Змены рыхтуюць пасля крытыкі за тое, што падчас папярэдняй хвалі беспарадкаў цэнтры гарадоў засталіся недастаткова абароненымі. Лекарню прызнаў праблемы: правалы спецслужбаў, занадта статычнае размяшчэнне паліцэйскіх падраздзяленняў і рашэнне не адмяняць загадзя запланаваныя адпачынкі паліцэйскіх.
Нуньес папрасіў прабачэння за дапушчаныя памылкі.
«Я глыбока шкадую пра тое, што адбылося. Я прымаю сваю долю адказнасці», — сказаў міністр.
У асобных раёнах, якія пацярпелі ад беспарадкаў, ужо ўвялі каменданцкую гадзіну. У некаторых месцах яна датычыцца толькі непаўналетніх. Паводле ўрада, гэтыя абмежаванні дапамаглі супакоіць сітуацыю. Іх прадоўжылі на ноч з 20 на 21 кастрычніка.
Паралельна да пошуку ўдзельнікаў вулічнага гвалту прыцягнулі 200 следчых. Парламент стварае камісію, якая павінна высветліць прычыны беспарадкаў і абставіны рэагавання ўладаў.
Новыя пратэсты на суботу анансаваў Нацыянальны саюз студэнтаў Францыі. Арганізацыя патрабуе змен у сістэме адукацыі, якую лічыць недафінансаванай і недастаткова якаснай.
Асобна да акцый супраць падаражання паліва заклікалі групы, якія называюць сябе «жоўтымі камізэлькамі». Гэты рух узнік у 2018 годзе праз планы павысіць паліўныя падаткі і тады месяцамі блакаваў дарогі, пакуль урад не пайшоў на саступкі.
Затрыманы галоўны падазраваны ў падпале ратушы Ліможа: гэта левы радыкал
«Шасціпалосная аўтастрада» да прэзідэнцтва. Беспарадкі ў Францыі ўзмацняюць шанцы Лё Пэн на прэзідэнцтва
«Гнеў і сорам». Макрон звярнуўся да нацыі пасля пагромаў
«Заходнія лібералы завезлі трэці свет у Францыю». Вэнс абвінаваціў мігрантаў у беспарадках
«Гэта не глупства, гэта нянавісць». У Францыі пратэстоўцы падпалілі ратушу XIX стагоддзя ВІДЭА
У суботу па ўсёй Францыі пракаціліся масавыя пратэсты
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Лукашэначка б навёў.
Цёценьке з кветкамі крычаць, што яна вінна за каланіалізм, а жыве лепей за іх. Хто табе дазволіў? Кітайскаму рэстаратару яны крычаць, што ён абуржуіўся занадта, панаехаў, але ўжо мае бізнэс і вялікую машыну. Хто табе дазволіў?Алжырскаму дзядулі крычаць, што ён афранзусіўся занадна. Бач, на поўмільёна ў яго тавараў. Хто табе дазволіў? Спалім усё! Бісмілла, надыдзе цьма!
Гэта не рэвалюцыя, гэта куды бліжэй да традыцыйных афрыканскіх пагромаў у афрыканскіх краінах ці ў ЗША.
А цэнтрысты-макраністы цынічна гэта скарысталі, каб выпаліць палітычна любога, хто захоча наступным годам рабіць левую кааліцыю.