Былы камандзір вайсковай часткі 3214 Дзмітрый Паўлічэнка 16 снежня вельмі дзіўна пракаментаваў выказванні былога супрацоўніка САХРа Юрыя Гараўскага пра забойствы Юрыя Захаранкі, Віктара Ганчара і Анатоля Красоўскага.
Спачатку ў каментары для партала Tut.by Паўлічэнка сказаў, што Гараўскі сапраўды служыў у яго, але потым, маўляў, зганьбіў гонар войскаў, пачаўшы займацца вымагальніцтвам.
Літаральна праз 10 хвілін ў каментары для «Нашай Ніве» Паўлічэнка стаў адмаўляць тое, што ўвогуле ведаў Гараўскага. У дадатак заявіў, што ўвогуле не размаўляў з карэспандэнтам Tut.by.
Як так атрымалася?
«Гэта чарговая «качка», ужо зусім не хочацца пра яе гаварыць. Я цяпер на выездзе, у мяне няма магчымасці паглядзець відэа. Мне ў агульных рысах абмалявалі тое, што там было», — сказаў Паўлічэнка.
Былы спецназавец застаецца на сваёй версіі, што не ведаў Гараўскага.
«Шчыра кажу, не помню такога чалавека. У інтэрв’ю Tut.by я яго, магчыма, паблытаў з іншым байцом. Мне потым сябры пазванілі, сказалі, што ніхто з іх яго не прызнаў. Мяркуючы па тым відэа, ніхто яго не ведае», — сказаў Паўлічэнка ў каментары «НН».
Былы спецназавец: Я ўдзельнічаў у забойстве Захаранкі і Ганчара
Цяпер чытаюць
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый25
Лукашэнка назваў патрабаванні і прэтэнзіі да Літвы: альтэрнатыўны ўрад, харугвы, порт, машыны для Зімбабвэ, санаторый
«Быў галодны, як з Асвенціма, не еў ні мяса, ні гародніны». Што вядома пра смерць бабруйскага журналіста, на якога завялі крымінальную справу ў Польшчы2424
Каментары