Аб’яднаная партыя левых «Справядлівы свет» падтрымлівае мірны пратэст і заклікае ўсіх грамадзянаў Беларусі да згуртавання ў адстойваньні сваіх канстытуцыйных правоў і салідарнасці з пацярпелымі ад самавольства дзейнай улады, паведамляе Радыё Свабода.
Левыя патрабуюць ад усіх дзяржаўных органаў і службовых асобаў прыняць вычарпальныя меры дзеля спынення гвалту ў адносінах да грамадзянаў, якія рэалізуюць сваё канстытуцыйнае права на мірны пратэст, і неадкладна вызваліць усіх затрыманых.
Таксама партыйцы прапануюць дзейнай уладзе неадкладна арганізаваць дыялёг з прадстаўнікамі ўсяго спэктру палітычных сілаў і грамадзянскай супольнасьці ў пытаньні правядзеньня найбліжэйшым часам новых выбараў прэзыдэнта паводле правілаў, якія гарантуюць свабодны, справядлівы і празрысты для грамадзкага кантролю выбарчы працэс.
Гэта адзіны цывілізаваны выхад з існуючага палітычнага крызісу і альтэрнатыва спаўзаньня краіны да грамадзянскай вайны, падкрэсьліваюць аўтары заявы.
«Справялівы сьвет» заклікае аўтарытэтныя міждзяржаўныя інстытуты, Раду Бясьпекі ААН прыняць вычарпальныя меры ў справе садзейнічаньня мірнаму ўрэгуляваньню сытуацыі ў Беларусі.
Цяпер чытаюць
Дрон прыляцеў у пасажырскі аўтобус на мяжы Расіі і Беларусі12
Каментары