Палітвязень Сцяпан Латыпаў больш не ў бальніцы на Сямашкі, куды яго ўчора даставілі пасля спробы самагубства. Пра гэта Tut.by распавялі сваякі палітвязня.
Падобна на тое, што ён знаходзіцца ў СІЗА №1 на Валадарскага. Там для яго сёння прынялі перадачу.
Нагадаем, учора, 1 чэрвеня, 41-гадовы Латыпаў паспрабаваў сабе перарэзаць горла ў зале суда. Міністэрства аховы здароўя апісвала яго стан так: «Пры паступленні былі выкананы ўсе неабходныя медыцынскія мерапрыемствы, праведзена апрацоўка раны. На цяперашні момант стан пацыента стабільны, сітуацый, што пагражаюць жыццю, няма. Пацыент апрытомнеў пасля наркозу». Прадстаўнік бальніцы адзначаў у эфіры дзяржтэлеканала, што Латыпаў пасля аперацыі знаходзіўся на ШВЛ.
Цяпер чытаюць
Замест парэшткаў Вітаўта за сцяной Віленскай катэдры знайшлі толькі кучу камянёў. Але ўлады Літвы гатовыя выдаткаваць на працяг пошукаў яшчэ 1,5 мільёна еўра3131
Каментары