NASA адправіць дзве місіі на «пякельную планету» Венеру
NASA абвясціла, што адпраўляе дзве новыя місіі на Венеру, каб вывучыць атмасферу планеты і яе геалагічныя асаблівасці, піша ВВС.
Місіі, кожная з якіх атрымае фінансаванне ў памеры 500 мільёнаў даляраў, павінны пачацца ў 2028—30 гадах.
Адміністратар NASA Біл Нэльсан заявіў, што місіі дадуць «шанец даследаваць планету, на якой мы не былі больш за 30 гадоў».
Апошнім зондам ЗША, які наведаў планету, быў касмічны апарат «Магелан» у 1990 годзе.
«Гэтыя дзве місіі-сёстры імкнуцца зразумець, як Венера ператварылася ў пякельную планету, на паверхні якой можа плавіцца свінец», — сказаў Нэльсан.
Венера — другая планета ад Сонца і самая гарачая планета Сонечнай сістэмы з тэмпературай паверхні 500 па Цэльсіі.
Місія Davinci+ (глыбокае атмасфернае даследаванне высакародных газаў, хіміі і візуалізацыі Венеры) будзе даследаваць атмасферу планеты, каб атрымаць уяўленне аб тым, як яна фармавалася і эвалюцыянавала. Яна таксама павінна вызначыць, ці быў на Венеры калісьці акіян.
Чакаецца, што Davinci+ адправіць першыя высакаякасныя малюнкі геалагічных асаблівасцяў планеты. Навукоўцы лічаць, што гэтыя асаблівасці могуць быць супастаўныя з мацерыкамі на зямлі і мяркуюць, што Венера мае тэктоніку пліт.
Другая місія Veritas (выпраменьванні Венеры, радыёнавука, InSAR, тапаграфія і спектраскапія), складзе карту паверхні планеты, каб зразумець яе геалагічную гісторыю і даследаваць, чаму яна развівалася настолькі іначай, чым Зямля.
Місія будзе выкарыстоўваць радыёлакатар для вымярэння вышыні паверхні і вызначэння таго, ці адбываюцца вывяржэнні вулканаў і землятрусы да гэтага часу.
«Дзіўна, як мала мы ведаем пра Венеру, але сукупныя вынікі гэтых місій раскажуць нам пра яе — ад аблокаў на небе да вулканаў на яе паверхні і аж да самага ядра», — сказаў Том Вагнер з падраздзялення планетнай навукі NASA.
«Гэта будзе падобна да таго, быццам мы зноўку адкрылі планету», — дадаў ён.
-
Назад да ручкі і забарона на смартфоны: універсітэты вымушаныя змяняць фармат заняткаў і кантрольных, інакш ШІ не дае ні вучыць, ні праверыць
-
Google запусціла Gemini 3.5 Transcribe для расшыфроўкі мовы. У спісе ёсць і беларуская
-
Цім Кук развітаўся з пасадай генеральнага дырэктара Apple пасля 15 гадоў кіраўніцтва
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў32
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1414
Каментары