Прадстаўніца Дзярждэпартамента: На наступным тыдні ЗША ўвядуць новыя санкцыі супраць афіцыйнага Мінска
На наступным тыдні варта чакаць новых санкцыяў ЗША супраць рэжыму ў Беларусі. Пра гэта заявіла падчас міжнароднай канферэнцыі па пытаннях бяспекі GLOBSEC намесніца дзяржсакратара ЗША па палітычных пытаннях Вікторыя Нуланд, піша Радыё Свабода.
Нуланд нагадала, што падчас саміту ў Жэневе 16 чэрвеня прэзідэнт ЗША Джо Байдэн ясна выказаўся пра разыходжанні паміж Злучанымі Штатамі і Расіяй у пытанні Беларусі, і Уладзімір Пуцін з гэтым не спрачаўся.
Чытайце таксама:
«He didn't disagree». Байдэн расказаў, што абмеркаваў з Пуціным Беларусь
Нуланд выступала па відэасувязі з ЗША.
«Прэзідэнт Байдэн вельмі ясна сказаў, што тое, што адбылося з прымусовай пасадкай самалёта, выцягваннем адтуль дысідэнта і пазнейшым паказам яго з відавочнымі сінякамі, было проста беззаконным. І мы лічым, што адзіны спосаб паважаць правы і выбар беларускага народа — гэта правесці сапраўды свабодныя і справядлівыя выбары, а спадар Лукашэнка відавочна баіцца гэта зрабіць», — заявіла Вікторыя Нуланд.
Цяпер чытаюць
На свой дзень нараджэння Зяленскі з Наўроцкім, Наўседам і Ціханоўскай у Вільні ўшануе памяць Кастуся Каліноўскага5
Каментары