Кіраўніка Федэрацыі хакея Дзмітрыя Баскава дыскваліфікавалі на пяць гадоў
Міжнародная федэрацыя хакея на 5 гадоў дыскваліфікавала кіраўніка федэрацыі хакея Беларусі Дзмітрыя Баскава.
Баскаў адхілены ад усіх нацыянальных і міжнародных хакейных мерапрыемстваў на пяць гадоў, пачынаючы з 10 верасня 2021 года і заканчваючы 9 верасня 2026 года.
У паведамленні IIHF адзначаецца, што дыскваліфікацыя стала вынікам 10-месячнага расследавання, падчас якога высветлілася, што Дзмітрый Баскаў парушыў кодэкс паводзінаў IIHF — дыскрымінаваў спартоўцаў і пагражаў ім за іх палітычную пазіцыю.
Таксама IIHF прыйшла да высновы, што Баскаў звязаны з падзеямі, якія прывялі да смерці Рамана Бандарэнкі.
У Федэрацыі хакея Беларусі наступным чынам пракаментавалі рашэнне IIHF:
«У найбліжэйшы час будзе прынята рашэнне аб мэтазгоднасці абскарджання пастановы ІІХФ у дачыненні да старшыні ФХБ Дзмітрыя Баскава ў Спартыўным арбітражным судзе (CAS) Лазане. Яго абранне на пасаду старшыні Нацыянальнай федэрацыі хакейнай грамадскасцю Беларусі было легітымным і адпаведным статутным нормам ФХБ, а члены выбарчай канферэнцыі выказалі аднагалосны і безумоўны давер Баскаву ў якасці кіраўніка ФХБ.
На цяперашні момант функцыянер працягне працу па развіцці хакея ў Рэспубліцы Беларусь на займанай ім пасадзе старшыні федэрацыі хакея Беларусі».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос24
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары