Прэм'ер Літвы: Некаторыя рускамоўныя жыхары Літвы пачуваюцца «няўтульна» пасля расійскага ўварвання ва Украіну
Прэм'ер-міністр Літвы Інгрыда Шыманіце 8 сакавіка зноў заклікала суграмадзян не вінаваціць рускамоўных жыхароў краіны ў тым, што Расія пачала вайну ва Украіне, паведамляе Delfi.
Прэм'ер падкрэсліла, што ўжо не ў першы раз падымае гэтае пытанне.
«Адна тэма, да якой я вымушаная вяртацца зноў і зноў — інфармацыя аб тым, што частка нашых суграмадзян пачуваецца крыху няўтульна. З той прычыны, што супраць іх, як прадстаўнікоў пэўнай нацыянальнасці і супраць мовы, на якой яны размаўляюць, чуюцца варожыя рэплікі або фіксуюцца варожыя дзеянні», — сказала прэм'ер.
Яна яшчэ раз нагадала, што «Літва заўсёды была адкрытай краінай».
«У гэтай краіне сваё месца ўжо перш знайшлі многія прадстаўнікі расійскай і беларускай апазіцыі, грамадзянскай супольнасці, прадстаўнікі незалежных сродкаў масавай інфармацыі. Гэтыя людзі тут жывуць, працуюць, імкнуцца рабіць сваю справу, вельмі часта размаўляюць па-руску «, — заўважыла Шыманіце.
Яна нагадала, што амаль усе, «хто ездзіў у апошні час да Лукашэнкі і іншых дыктатараў, гэта грамадзяне Літвы з літоўскімі прозвішчамі».
«Яшчэ раз хачу заклікаць нашых людзей, суграмадзян, як саміх заставацца людзьмі, якіх нельга абвінаваціць у ксенафобіі, так і размаўляць пра гэта са сваімі дзецьмі», — сказала Шыманіце.
Цяпер чытаюць
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары