Эканоміка11

«Санкцыі на сваіх жа?» Эканаміст — пра забарону замежным уласнікам беларускіх кампаній прадаваць долі і акцыі

Урад Беларусі забараніў 190 кампаніям з замежным капіталам свабодна прадаваць долі ці акцыі. Гэта бізнэс, які, на погляд уладаў, належыць асобам з «недружалюбных» дзяржаў. Пад санкцыі трапілі «Еўраопт», EPAM Systems, «Лідскае піва» і іншыя прадпрыемствы. Спыталі ў эканаміста, што гэта значыць для беларускага бізнэсу і рынку інвестыцый.

Фота: старонка ў Інстаграме кампаніі «Лідскае піва»

Кампаніям, якія трапілі ў агучаны спіс, забаранілі аперацыі па адчужэнні акцый ці доляў, якія, згодна з загадам Мінфіна, блакуюцца на рахунках уладальнікаў. Цяпер акцыі гэтых кампаній нельга перадаць іншым акцыянерам.

Такія дзеянні на тэрыторыі Беларусі цяпер правамерныя, але агулам сітуацыя цалкам ненармальная, каментуе акадэмічная дырэктарка Цэнтра эканамічных даследаванняў BEROC Кацярына Барнукова.

«Гэта, па сутнасці, парушэнне базавага права на ўласнасць, якое складаецца не толькі з права валодаць, але і з права прадаваць тое, чым ты валодаеш, — заўважае экспертка. — Калі б у нашай краіне быў нармальны фондавы рынак, то акцыі такіх кампаній адразу б згубілі ў кошце». 

Але і без гэтага само прыняцце такой пастановы шкодзіць кампаніям. 

«Немаленькая частка кампаній са спісу — гэта беларускія ж грошы і інвестары (напрыклад, EPAM Systems, той жа «Еўраопт» ці «Алютэх»), якія проста заходзяць праз карпарацыі, створаныя ў іншых краінах, таму што там лепшае карпаратыўнае права ў параўнанні з Беларуссю (не кажучы пра абарону права на ўласнасць, якое, як паказваецца ў чарговы раз, у нас нічога не каштуе). Атрымліваецца, што санкцыі накладваюцца на сваіх жа? Незразумела, у чым тут выйгрыш для беларускай дзяржавы, гэта чарговае стралянне сабе ў нагу, каб «непанадна было». 

Прынятае рашэнне з’яўляецца рэакцыяй на намер некаторых замежных кампаній сысці з Беларусі пасля пачатку вайны ва Украіне.

«Фінскі інвестар «Лідскага піва» адразу пасля пачатку вайны выказаў намер выйсці з інвестыцый і знайсці пакупніка на свой пакет акцый у Беларусі. Пастанова робіць гэты крок немагчымым, але ў рэальнасці, у сённяшняй сітуацыі, яны наўрад ці знайшлі б пакупніка і так. Можа, толькі расійскаму інвестару прапанавалі б», — заўважае Кацярына Барнукова.

Найбольш жа сур’ёзным наступствам прынятай пастановы стане яшчэ большы падрыў іміджу краіны ў плане прывабнасці для інвестыцый.

«Прачытаўшы такую навіну, да нас не захочуць прыходзіць новыя замежныя інвестары. Але спіс паказвае, наколькі ў нас іх і так мала — 190 кампаній на ўсю краіну, мякка кажучы, несур’ёзна», — заўважае наша суразмоўца.

«Еўраопт», ЭПАМ, «Хенкель». Улады Беларусі забаранілі замежным уласнікам прадаваць свае долі і акцыі

Легенда сыходзіць: фінскія заснавальнікі вырашылі прадаць «Лідскае піва» і шукаюць пакупнікоў

Каментары1

  • Жывая Рыба
    05.07.2022
    Гы-гы, если эти доли белорусские, то и отдал бы им белками, делов то))))  
    Аааа, боится что вскроется еще один шахер-махер "Страны для жизни"!)))))

Цяпер чытаюць

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары2

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Усе навіны →
Усе навіны

Блогер-канспіролаг Вірус спыняе сваю дзейнасць, бо ніхто яму не данаціў15

«Прагноз кіроўцы — 15—16 гадзін на мяжы». Пасажыры аўтобусаў, што едуць у Літву, скардзяцца на незвычайна доўгае чаканне1

«Нават дарослыя хацелі далучыцца». Як беларусы ў эміграцыі арганізавалі летнік для дзяцей у Белавежскай пушчы

Застаўся без парэчак. Уладальнік гадавальніка пад Мінскам — пра тое, як надвор’е паўплывала на працу1

Топ-менеджарка Astronomer, якая абдымалася з CEO кампаніі на канцэрце Coldplay, таксама звольнілася4

У Віцебску абрынуліся сем гаспадарчых пабудоў з-за падмывання грунту

Смерць удовам. Археолаг расказаў пра знаходку, якая сведчыць пра жудасны звычай першых славян на Беларусі32

Бум на матчу па ўсім свеце: попыт расце, запасы змяншаюцца5

Пяць парад, як проста пазбавіцца ад паху і плям поту на адзенні4

больш чытаных навін
больш лайканых навін

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары2

Будучы аб'ект Сусветнай спадчыны, які загубіла абыякавасць. Чым адметная Сцяпанкаўская царква, якая загінула ў пажары

Галоўнае
Усе навіны →

Заўвага:

 

 

 

 

Закрыць Паведаміць