Сярод затрыманых — камандзір спецыяльнага антытэрарыстычнага падраздзялення Ігар Змірыч. Затрыманні адбыліся неўзабаве пасля перамогі студэнцкага руху на парламенцкіх выбарах, піша Euronews.
4 лістапада ў Бялградзе затрымалі васьмярых дзейных супрацоўнікаў паліцыі і аднаго былога. Іх падазраюць у жорсткім абыходжанні і катаваннях удзельнікаў антыўрадавых пратэстаў у жніўні 2025 года.
Паводле МУС Сербіі, падазраваныя падчас службы ўжывалі сілу, каб прычыніць некалькім пацярпелым моцны боль і пакуты. Мэтай было «атрымаць інфармацыю, запалохаць іх і незаконна пакараць».
Паводле следства, гэта адбывалася ў гаражы ўнутры ўрадавага будынка ў Бялградзе.
МУС апублікавала толькі ініцыялы і гады нараджэння падазраваных. RTS паведаміў, што сярод іх — камандзір спецыяльнага антытэрарыстычнага падраздзялення Ігар Змірыч. Раней затрыманая студэнцкая актывістка абвінавачвала яго ў тым, што ён ударыў яе нагой, калі яна ляжала на падлозе.
У канцы кастрычніка рух «Студэнцкі спіс» перамог на парламенцкіх выбарах, абышоўшы палітычную сілу шматгадовага кіраўніка Сербіі Аляксандра Вучыча.
Рух вырас з пратэстаў, якія пачаліся пасля катастрофы на нядаўна адрамантаваным чыгуначным вакзале ў лістападзе 2024 года. Гібель людзей выклікала масавыя дэманстрацыі супраць карупцыі і патрабаванні адказнасці ўладаў. Пратэстоўцы неаднаразова паведамлялі пра паліцэйскую жорсткасць.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос20
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары