Вялікі паказ моды прайшоў у мінскім гольф-клубе. Паглядзіце, як выглядалі мадэлі і госці свята ШМАТ ФОТА
Чарговы івэнт ад Brands Fashion Show адбыўся ўчора ў мінскім гольф-клубе побач з жылым комплексам «Зялёная гавань». Рэпартаж адтуль публікуе Onliner.
Шоу — гэта не толькі само мерапрыемства, але яшчэ і тое, што адбываецца за сцэнай. Белыя бярозкі, імправізаваныя палаткі, пах грыбоў, спевы птушак, крыху летняй прахалоды — і ва ўсёй гэтай разнастайнасці адчуванняў мадэляў фарбуюць, апранаюць, рыхтуюць.
У зоне для збору гасцей як заўсёды сустракаюцца твары самых актыўных і закаханых у модную індустрыю. Гэта дызайнеры, фэшн-блогеры, стылісты, журналісты, фатографы.
Глядзіце, што паказалі дызайнеры і стылісты.
Брэнд Lemongrass — гэта спроба вялікай вытворчасці пачуць пажаданні спажыўцоў. Прадпрыемства «Камволь» наняло дызайнераў, стылістаў, дало ім натуральныя тканіны і не зрэзала палёт фантазіі. Што атрымалася — ацаніце самі.
А гэта паказ рэчаў з сайта Lamoda, які стылізавала Каця Герман. Выкарыстаныя пераважна прэміум-брэнды, якія папросту не могуць выглядаць дрэнна. Атрымалася стыльна, кідка і крута.
Паказ крамы беларускіх дызайнераў Trend Park.
Яшчэ адзін шоўрум з адзеннем мясцовых дызайнераў «Канцэпт Крама».
Трохі выбіўся з агульнай карціны паказ маладога дызайнера Паўла Козіна. З гэтай калекцыяй ён, дарэчы, перамог на «Млыне моды».
Чароўным выйшаў паказ адзення брэнда Ton-in-ton, дапоўненага аксесуарамі Vedovka і арт-балаклавамі Святланы Баст. Узніклі асацыяцыі з беларускімі казкамі і міфамі, дзе сустрэліся русалкі, лясныя насельнікі і іншыя персанажы.
Цяпер чытаюць
У Чэхіі малады беларус трапіў у кому — наглытаўся таблетак праз праблемы з легалізацыяй і разрыў з дзяўчынай10
Каментары
может надо ехать туда, где весело? где много солнца и диких обезьян