Пандэмія не дае пра сябе забыць — колькасць выпадкаў кавіду ў свеце зноў пайшла ўверх. За гэта адказныя новыя штамы хваробы пад назвай BA.4 і BA.5. Прачытайце, якія сімптомы могуць на іх указваць.
Новыя штамы кавіду часцей за ўсё праяўляюцца сімптомамі, падобнымі да прастуды. Гэта насмарк, боль у горле, галаўны боль, устойлівы кашаль і стомленасць. Пра ліхаманку кажуць менш чым траціна апытаных пацыентаў.
Пры гэтым ў штаму ВА.5 ёсць некалькі ўнікальных сімптомаў, якія адрозніваюць яго ад папярэдніка. Размова ідзе пра страту нюху і пра звон у вушах. Эксперты прапануюць ставіцца да гэтых праяваў хваробы вельмі сур’ёзна: магчыма, яны азначаюць, што хвароба закранула вобласць арганізма блізка да галаўнога мозга.
Ёсць яшчэ адзін сімптом, які сведчыць пра заражэнне штамам ВА.5 — гэта начная патлівасць. Пацыенты з такой версіяй кавіду пацеюць так моцна, што іх піжамы і пасцельная бялізна часам цалкам прамакалі.
Новыя штамы распаўсюджваюцца больш хутка, чым папярэднія. У той жа час няма сведчанняў, што хвароба, выкліканая ім, працякае больш цяжка ў параўнанні з мінулымі падварыянтамі кавіду.
На думку дактароў, лепшы спосаб спыніць з’яўленне новых штамаў — гэта вакцынацыя, у тым ліку і ўвядзенне бустарных прышчэпак. Чым больш людзей прайшлі поўны курс вакцынацыі, тым менш у віруса магчымасцей распаўсюджвацца і муціраваць.
Хочаце менш хварэць? Эксперты назвалі кавідныя звычкі, якіх варта прытрымлівацца ўвесь час
Навукоўцы расказалі, якія рызыкі для здароўя нясе паўторнае заражэнне кавідам
Цяпер чытаюць
Беларусы горача спрачаюцца, ці варта прывязваць дапамогу на дзіця да заробку маці51
Беларусы горача спрачаюцца, ці варта прывязваць дапамогу на дзіця да заробку маці
У Беларусі зацвердзілі правілы эвакуацыі каштоўнасцяў на выпадак вайны: цэглу з Брэсцкай крэпасці з надпісамі будуць ратаваць перш за карціны Шагала і Суціна1313
Каментары