Чытачы скардзяцца на глыбоцкую згушчонку: лыжка перастала стаяць! На заводзе адказваюць: гэта не крытэрый якасці!
Апошні месяц у «Нашу Ніву» прыйшло некалькі скаргаў на тое, што глыбоцкая згушчонка стала вадзяністай. Галоўны аргумент чытачоў: перастала стаяць лыжка. У рагачоўскай жа, маўляў, лыжка не падае адразу, а павольна тоне.
На заводзе тлумачаць, што вязкасць гэта не крытэрый якасці:
«Па дзяржстандарце дапускаецца вязкасць ад 3 да 15 паскаляў за секунду. Калі згушчонка свежая, яна амаль заўсёды менш вязкая і набірае вязкасць па меры праходжання часу, калі хто любіць гушчу, то бярыце тую, якая троху пастаяла на паліцы.
І, калі ўжо так казаць, то калі «стаіць лыжка» — гэта не вельмі добра, бо больш за 15 паскаляў за секунду — гэта парушэнне. У нас кожная партыя праходзіць аналізы, і ніводная не трапляе на рынак, калі парушаныя стандарты. Усё робіцца з натуральнага малака і цукру. А некаторыя, ведаеце, выкарыстоўваюць і сухое малако, і стабілізатары, дадаткі, якія і дадаюць вязкасці. Мы не згодныя, што нешта стала горш, усё на ўзроўні!» — адказалі нам на Глыбоцкім малочна-кансервавым камбінаце.
Цяпер чытаюць
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы64
«Шматпартыйнасць, плюралізм меркаванняў — гэта брахня, заходняя брахня». Лукашэнка разглядае канстытуцыйнае вяртанне да савецкай сістэмы
Беларускія абрады, арнаменты і беларуская мова паўсюль. Як нашчадак перасяленцаў зрабіў сяло каля Байкала зноў беларускім, і чаму гэта можа хутка скончыцца1414
Каментары