«Гэта мы так пра вас клапоцімся». У міліцыянераў і кадэбэшнікаў адбіраюць пашпарты
Як стала вядома «Нашай Ніве», у супрацоўнікаў сілавых структур пачалі адбіраць стандартныя пашпарты. Па разнарадцы яны атрымліваюць біяметрычныя пашпарты, у дадатак да якіх выдаецца ID-картка. ID-карткі дастаткова для любых аперацый унутры краіны, а вось за мяжу без пашпарта не паедзеш і нават візы не атрымаеш.
Новыя біяметрычныя пашпарты выдаюць разам з ID-карткай, якой хапае для ідэнтыфікацыі асобы ўнутры Беларусі, а таксама для вырашэння любых жыццёвых абставін, будзь тое паход у паліклініку ці атрыманне крэдыту.
Як тлумачаць «Нашай Ніве» супрацоўнікі міліцыі, цяпер тыя з іх, хто атрымлівае новыя пашпарты (пераважна гэта датычыць афіцэрскага складу, ніжэйшыя па званні могуць і праскочыць), абавязваюцца здаваць іх начальніку.
«Да таго праз тое ж самае прайшлі спецслужбы, цяпер працэсы ідуць у міліцыі, далей, напэўна, чарга ваенных. Цяпер, каб выехаць за мяжу, трэба пісаць рапарт і на выезд, і на атрыманне пашпарта, знянацку больш, як Лупаносаў, за мяжу ўжо не выедзеш», — расказвае афіцэр.
«Усё гэта тлумачыцца клопатам пра супрацоўнікаў. Маўляў, гэта мы вас не ў рабства бяром, гэта мы вас, дурных, страхуем ад глупстваў: вось выедзеце вы недзе, а вас там возьмуць у палон, будуць катаваць, завярбуюць, пасадзяць. Так што яшчэ будзьце ўдзячныя», — дадае афіцэр.
У папярэднія два гады Беларусь пакінула шэраг старэйшых афіцэраў (напрыклад, былы супрацоўнік ГУБАЗіКа Станіслаў Лупаносаў, прадстаўнік «Байпол» Аляксандр Азараў), якія далучыліся да дэмакратычнага руху.
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу7
Затрымалі чарговага чалавека года Віцебшчыны, дэпутата Віцебскага аблсавета Дзмітрыя Калягу
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх1919
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх19
«Да лейтэнанта прыехала маладая жонка, пабачыла, што адбываецца ў зоне, і застрэлілася». Выйшла заключная частка ўспамінаў Рыгора Бярозкіна пра ГУЛАГ і савецкі Мінск1818
Каментары