NASA запусціла сэрвіс, які паказвае мінулае і будучыню Сонечнай сістэмы
Гаворка ідзе пра інтэрактыўную карту для даследавання планет, Месяца, астэроідаў і камет — з 1949 па 2050 год. Ёсць і «рэжым тэлескопа», які дазваляе «прызямліцца» на любую планету і ўбачыць начное неба з яе паверхні. Пагуляцца з картай можа любы ахвотны.
Таксама з дапамогай карты можна назіраць, як праходзяць касмічныя місіі і рухаюцца аб'екты. Напрыклад, адсачыць шлях зонда «Вояджэр» з 1977 года і вывучыць, як апарат збліжаўся з Юпітэрам, Сатурнам, Уранам і Нептунам.
Акрамя таго, на карце прадстаўлены экзапланеты, якія знаходзяцца на адлегласці аж да 3 000 светлавых гадоў ад зямлі.
Каментары