Дамовы аб «прыняцці ў склад Расійскай Федэрацыі» акупаваных ўкраінскіх абласцей, падпісаныя 30 верасня ў Крамлі Пуціным і марыянеткавымі прарасійскімі «кіраўнікамі» прызнаныя адпаведнымі канстытуцыі РФ. Паведамленне аб гэтым апублікавана на сайце суда.
«З прычыны адвольных рашэнняў савецкіх органаў улады тэрыторыя Украінскай ССР была ў значнай ступені сфарміравана з земляў з пераважным рускім насельніцтвам, без волевыяўлення саміх грамадзян. Калі ў адзінай дзяржаве, якой у сутнасці быў СССР, гэта само па сабе практычна не прыводзіла да парушэнняў правоў грамадзян, якія пражываюць на гэтых тэрыторыях, то ў сувязі з распадам Саюза іх фактычнае і прававое становішча стала змяняцца да горшага.
Сітуацыя асабліва пагоршылася пасля ўзброенага антыканстытуцыйнага перавароту ў Кіеве ў 2014 годзе. Ва ўмовах вострага сацыяльна-эканамічнага і палітычнага крызісу, а таксама ўсталявання фактычна знешняга кіравання з боку калектыўнага Захаду ўлады Украіны праводзілі і працягваюць праводзіць мэтанакіраваную палітыку, якая перашкаджае тым грамадзянам, якія ідэнтыфікуюць сябе як датычных да рускага народа, захоўваць сваю нацыянальную, моўную, рэлігійную і культурную ідэнтычнасці.
Пры ажыццяўленні праверкі канстытуцыйнасці названых дагавораў Канстытуцыйны Суд Расійскай Федэрацыі зыходзіць з таго, што прыняцце ў адпаведнасці з імі ў Расійскую Федэрацыю, у прыватнасці, Запарожскай вобласці з'яўляецца перш за ўсё падставай для рэалізацыі неабходных мер па спыненні антыправавых дзеянняў знешніх сіл, якія прычыняюць смерць, калецтвы і раненні грамадзянам на ўказаных тэрыторыях і ў суседніх з імі суб'ектах Расійскай Федэрацыі, і для наладжвання мірнага жыцця», — гаворыцца ў паведамленні.
У задачы КС уваходзіла праверыць канстытуцыйнасць гэтых дамоў. Гэтая праверка — адзін з крокаў у працэдуры фармальнай анексіі ўкраінскіх тэрыторый Расіяй. Далей «далучэнне да Расіі» павінны адобрыць абедзве палаты парламента і канчаткова заверыць Уладзімір Пуцін.
Цяпер чытаюць
Сілавікі расказалі, за што правялі хапун на тэнісным матчы5
Сілавікі расказалі, за што правялі хапун на тэнісным матчы
«Аднавілі грамадскі парадак, не саступіўшы патрабаванням новых выбараў». Што піша Грокіпедыя пра пратэсты, Лукашэнку, мову і як дзеліць спадчыну ВКЛ1212
Каментары