У Кітаі тэлебачанне цэнзуруе карцінкі з людзьмі без масак на Чэмпіянаце свету па футболе
Гэта адбываецца на фоне пратэстаў, што ўспыхнулі па ўсім Кітаі з-за палітыкі «нулявога кавіду».
Гледачы заўважылі, што Цэнтральнае тэлебачанне Кітая пазбягае кадраў з Чэмпіянату свету па футболе, дзе людзі на трыбунах сядзяць без масак. Вось добры прыклад.
Some people still refusing to see this, so decided to track it. Within a minute, there was this: close-up shots of Canadian and Croatian fans on BBC/international feed, replaced by a solo shot of Canadian coach John Herdman on CCTV. pic.twitter.com/V3DZRjHrzk
Такая цэнзура зусім не дзіўная, улічваючы пратэсты, якія адбываліся ў Кітаі апошнімі днямі. Пратэсты пачаліся пасля пажару на 15-м паверсе жылога дома ў горадзе Урумчы на крайнім захадзе Кітая, піша The New York Times. 10 чалавек загінулі, бо строгія антыкавідныя правілы забаранялі ім пакідаць жытло.
Жыхары выйшлі на вуліцы Урумчы, далей пратэсты распаўсюдзіліся на ўвесь Кітай.
У Шанхаі нават загучалі лозунгі «Далоў камуністаў» і «Далоў Сі Цзіньпіна».
Кітайскія антыкавідныя вакцыны менш эфектыўныя, чым заходнія. Гэта ўлады краіны імкнуцца кампенсаваць за кошт «стратэгіі нулявога кавіду» — строгіх лакдаўнаў, каранціну і масавага тэсціравання.
Пратэсты ў Кітаі адносна рэдкія, у краіне жорсткі таталітарны рэжым. Дысідэнтаў саджаюць у турмы, сацыяльныя сеткі знаходзяцца пад жорсткай цэнзурай, а незалежныя групы забароненыя.
Але паўсюднасць кавідных абмежаванняў у Кітаі перапоўніла чашу гневу.
Дзядок патлумачыў, чаму вызвалілі менавіта тых палітвязняў, каго вызвалілі24
Каментары