Нацыянальны банк кааптаваў кітайскі юань у кошык валют з 15 ліпеня і ў два разы паменшыў у ім долю еўра. Цяпер, амаль праз паўгода, банк «ВТБ-Беларусь» выдаў бізнэсу першы для Беларусі крэдыт у кітайскай валюце.
Памер крэдыту склаў 22 млн юаняў (каля 3,1 млн даляраў), «фінансаванне накіравана на рэалізацыю інфраструктурных праектаў у сферы дарожнага будаўніцтва з выкарыстаннем імпартнай сыравіны з Кітая», — праінфармавала прэс-служба банка.
Паведамляецца таксама, што гэты банк да канца года можа накіраваць на фінансаванне такіх гандлёвых здзелак каля 100 млн юаняў, што дазволіць бізнэсу «захеджыраваць валютныя рызыкі, праводзячы разлікі з контрагентамі з Кітая».
Цяпер чытаюць
Стала вядома, як затрымалі былога каліноўца Максіма Ралько7
Каментары