Пра тое, што сцэнарый новага фільма «Опенгеймер» — найлепшы ў яго кар’еры, ірландскі акцёр Кіліян Мёрфі расказаў у інтэрв’ю выданню Rolling Stone.
«Гэта найлепшы сцэнарый, які я калі-небудзь чытаў. Лічу, гэты фільм будзе сенсацыйным. Кажу гэта як кінаман, я фанат Крыса Нолана», — падзяліўся Мёрфі.
«Опенгеймер» — фільм рэжысёра Крыстафера Нолана, які раскажа гісторыю жыцця Роберта Опенгеймера, стваральніка ядзернай бомбы.
Акцёрскі склад тут можна назваць сапраўды «зорным»: акрамя Кіліяна Мёрфі, у стужцы з’явяцца Эмілі Блант, Флорэнс П’ю, Мэт Дэйман, Роберт Даўні — малодшы, Гары Олдман і іншыя.
Прэм’ера чакаецца 19 ліпеня 2023 года.
Цяпер чытаюць
Беларусь ужо не толькі пра палітвязняў. З чым Святлана Ціханоўская паехала на адзін з галоўных форумаў па бяспецы ў ЗША і што там рабіў Сяргей Ціханоўскі2121
Каментары