У Бабруйску пара зняла кватэру. А на наступны дзень іх знайшлі нежывымі
Трагічнае здарэнне адбылося ў пачатку мая, падрабязнасці паведаміў Следчы камітэт.
Днём 8 мая ў Бабруйску знаёмы, які прыехаў у кватэру, знайшоў двух чалавек без прыкмет жыцця. У кухні працавала газавая пліта. Выключыўшы канфоркі, ён патэлефанаваў у міліцыю.
Папярэдняй прычынай смерці стала атручэнне чадным газам.
Вядома, што напярэдадні вечарам 25-гадовы мужчына і 55-гадовая жанчына знялі кватэру на суткі. Для падтрымання тэмпературы паветра ў памяшканні яны пакінулі ўключанымі на ноч тры канфоркі газавай пліты, зачыніўшы ўсе вокны і дзверы, і ляглі спаць.
У кватэрах ужо некалькі тыдняў адключана ацяпленне. Надвор'е паступова паляпшаецца, аднак у некаторых памяшканнях усё яшчэ холадна, і многія жыхары абаграваюць свае кватэры і дамы часцяком небяспечнымі спосабамі.
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары