Міністр абароны Украіны распавёў, якой дапамогі чакае ад «Рамштайна» ў чэрвені
На наступным пасяджэнні ў фармаце «Рамштайн», якое пройдзе 15 чэрвеня ў Бруселі, члены Кантактнай групы па пытаннях абароны Украіны абмяркуюць падрыхтоўку ўкраінскіх пілотаў і адкрыццё хабаў для рамонту і аснашчэння тэхнікі. Пра гэта заявіў міністр абароны Украіны Аляксей Рэзнікаў.
«У рамках пасяджэння мы будзем абмяркоўваць дэталёвыя рэчы «самалётнай кааліцыі». У гэтым выпадку мы гаворым пакуль пра падрыхтоўку пілотаў і не толькі пілотаў, але і нашых тэхнікаў і інжынераў, якія будуць займацца абслугоўваннем самалётаў.
Таму што гэта вельмі складаная сістэма. Прадметна пытанні будуць абмяркоўвацца з камандамі Міністэрстваў абароны Нідэрландаў, Даніі, ЗША і іншых краін, якія далучыліся да гэтай кааліцыі».
Паводле Рэзнікава, на 13-м пасяджэнні «Рамштайн» таксама будзе ісці размова пра «ўсё, што датычыць СПА, снарадаў, амуніцыі, артылерыі».
Акрамя таго, важным для Украіны з'яўляецца пытанне аб адкрыцці хабаў для рамонту тэхнікі.
«Нашы прыярытэты не змяніліся. Гэтая вайна — вайна рэсурсаў. Рэсурсаў — значыць не толькі зброі, але і магчымасцяў яе рамантаваць, абслугоўваць і ўсяго, што да гэтага мае дачыненне. Таму сярод важных для нас пытанняў — адкрыццё рознага тыпу хабаў па рамонце і аснашчэнні тэхнікі», — дадаў міністр.
Цяпер чытаюць
Літва зноў закрывае мяжу з Беларуссю — на нявызначаны тэрмін8
Літва зноў закрывае мяжу з Беларуссю — на нявызначаны тэрмін
Ездзілі шукаць нават у БССР, а неапазнанае цела 30 гадоў ляжала ў спецсховішчы. Новыя дэталі загадкавага знікнення ў ЗША беларускага пісьменніка Міколы Цэлеша22
Каментары