У Бабруйску зноў асудзілі стрыечнага брата байца палка Каліноўскага і дадалі яшчэ паўгода калоніі
У судзе Бабруйскага раёна і горада Бабруйска 4 ліпеня працягваўся закрыты суд над палітзняволеным Сяргеем Франчуком. Гэтым разам яго абвінавацілі ў абразе Аляксандра Лукашэнкі паводле ч. 1 арт. 368 Крымінальнага кодэкса, піша «Вясна».
Справу разглядала суддзя Вольга Серакова.
Новы суд над Франчуком пачаўся яшчэ ў маі, аднак у працэсе быў абвешчаны перапынак да моманту разгляду ягонай апеляцыйнай скаргі на папярэдні прысуд. Касацыйная скарга Сяргея, якая была разгледжаная ў Вярхоўным судзе, засталася без задавальнення, а прыгавор Мінскага гарадскога суда ад 27 красавіка 2023 года — без змен.
Сяргей Франчук, стрыечны брат прадстаўніка палка Кастуся Каліноўскага Вадзіма Кабанчука, быў затрыманы 9 жніўня 2022 года. Вядома, што яго забралі з кватэры бацькоў у Бабруйску, дзе мужчына жыў апошнім часам. У гэты дзень бацькі Сяргея былі на лецішчы і пяць чалавек з мінскага АМАПа ўварваліся ў кватэру, ударылі яго пісталетам па галаве, правялі вобшук, забралі мабільны тэлефон, ноўтбук і самога Сяргея Франчука.
Сяргей Франчук 27 красавіка быў асуджаны Мінскім гарадскім судом на тры гады калоніі агульнага рэжыму па шэрагу пратэсных артыкулаў.
Да першага прысуду тэрмінам у тры гады пазбаўлення волі Франчуку дадалі яшчэ паўгода. У выніку — тры з паловай гады пазбаўлення волі ў калоніі ва ўмовах агульнага рэжыму.
-
Пайшоў у банкруцтва вядомы беларускі вытворца ветэрынарных прэпаратаў
-
На беразе Камсамольскага возера нарэшце завяршаюць 15‑гадовы даўгабуд. Ужо ідзе запіс на закрыты старт продажаў
-
Былы слесар вайсковай часці ў Плешчаніцах ішоў на рэкорд па колькасці судзімасцяў — але знік у першым жа мясным штурме
Цяпер чытаюць
Арыштавалі прадстаўнікоў кампаніі Bayer у Беларусі2
Каментары