Пяць месяцаў пра асуджанага на 14 гадоў палітыка нічога не вядома.
«150 дзён невядомасці… Пяць месяцаў сёння…» — напісала ў фэйсбуку жонка палітыка Марына Адамовіч.
Пра палітыка нічога не чуваць з 9 лютага, калі з ім перарвалася ліставанне.
Вядома толькі, што Статкевіч паўгода быў у адзіночнай камеры, а потым, імаверна, трапіў у ШІЗА.
«Сёння (допіс ад 15 мая. — «НН») атрымала адказ з калоніі на свае запыты. … Той, хто нічога не ведае пра сваіх родных, мяне зразумее. 36 спагнанняў, з іх 14 — ШІЗА (5 — за апошнія тры месяцы, тэрмін не паведамляюць). Цяпер, імаверна, у ШІЗА таксама альбо толькі выйшаў. […] калі не ў ШІЗА, то цэлы дзень у каменным мяшку з прагулкай у такім жа каменным мяшку паўгадзіны на дзень. Пазбавілі ўсяго: адзінай пасылкі і спатканняў. Пра тэлефанаванні гаворка нават не ідзе. Лістоў па-ранейшаму няма», — пісала ў сярэдзіне мая яго жонка Марына Адамовіч.
Міколу Статкевіча затрымалі 31 мая 2020 года, калі ён у машыне ехаў на Камароўку на перадвыбарчы пікет Святланы Ціханоўскай.
У снежні 2021 года яго асудзілі на 14 гадоў калоніі за арганізацыю масавых беспарадкаў. Мірныя пратэсты пачаліся праз два месяцы, 9 жніўня 2020 года.
12 жніўня 2023 года палітыку споўніцца 67 гадоў.
На жаль, сітуацыя са Статкевічам не ўнікальная.
Няма вестак ад лютага ад Максіма Знака.
З 10 сакавіка да 5 ліпеня не было звестак пра Сяргея Ціханоўскага, прычым толькі пасля таго, як з'явілася інфармацыя пра ягоную смерць праўладныя тэлеграм-каналы апублікавалі відэа з ім, зробленае, як сцвярджаецца, 5 ліпеня.
З 25 красавіка няма інфармацыі пра Віктара Бабарыку, няма інфармацыі пра Паўла Севярынца, няма інфармацыі пра некаторых іншых палітвязняў.
-
«Я толькі аднаго хачу: каб вы паверылі мне зноў». Як прайшла першая акцыя Ціханоўскага ў Варшаве пасля вызвалення
-
У Ляхавічах школьнік падчас футбольнага матча вывеў на табло нецэнзурнае слова. Як яму гэта ўдалося?
-
На папцы ў Святланы Ціханоўскай цяпер партрэт палітзняволенага журналіста Андрэя Пачобута ФОТА
Каментары