Ціханоўская заклікала прэзідэнта Літвы не ўраўноўваць абмежаванні супраць беларусаў і расіян
Святлана Ціханоўская правяла сёння сустрэчу з прэзідэнтам Літвы Гітанасам Наўседам.
Дэмакратычная лідарка Беларусі адзначыла, што гэтае ўніфікаванне грае на руку прапагандзе, «дэмаралізуе беларусаў, і абмяжоўвае працу грамадзянскай супольнасці».
Замест гэтага яна прапанавала пашыраць санкцыі супраць памагатых рэжыму Аляксандра Лукашэнкі, паведаміў «Позірку» галоўны дарадца палітыка Франак Вячорка.
Бакі таксама абмеркавалі магчымае закрыццё межаў з Беларуссю і «неабходнасць захавання гуманітарных калідораў на выпадак эскалацыі» сітуацыі.
Ціханоўская выказала падзяку за падтрымку дэмсупольнасці, за тое, што Літва «прыняла дзясяткі тысяч беларусаў і сотні арганізацый, якія былі вымушаныя выехаць з краіны праз рэпрэсіі».
Яна адзначыла, што «разумее ўсе рызыкі, звязаныя з магчымай агентурнай дзейнасцю грамадзян Беларусі», але «гэта не павінна ўдарыць па беларусах, якія не падтрымліваюць рэжыму і Расіі, а такіх абсалютная большасць».
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары
выдвигай свою кандидатуру