Сёння ноччу ўкраінскія вайскоўцы збілі ўсе 28 крылатых ракет і 15 з 16 ударных дронаў
Усяго, па словах Галоўнакамандуючага УСУ Валерыя Залужнага, тэрыторыю Украіны ноччу атакавалі 28 ракет паветранага базавання тыпу Х-101/Х-555/Х-55, якія былі выпушчаныя з 11 самалётаў Ту-95МС з Каспія і раёна Энгельса (Саратаўская вобласць).
16 ударных дронаў тыпу Shahed-136/131 былі выпушчаныя з паўднёвага і паўночнага напрамкаў — Прыморска-Ахтарск і Курск.
Сіламі СПА ўдалося знішчыць усе крылатыя ракеты і 15 з 16 «Шахедаў».
Але ў выніку падзення абломкаў ёсць ахвяры — на тэрыторыі прадпрыемства ў Шаўчэнкаўскім раёне Кіева загінулі два ахоўнікі.
Каментары