«Е-дастаўка» на сваім сайце абвяргае, што ў іх самыя нізкія цэны
На галоўнай старонцы сайта edostavka.by вісіць абвяржэнне іх жа рэкламы пра нізкія цэны. Анлайн-крама піша, што параўнанне цэн іх крамы з іншымі, якое выходзіла ў эфіры АНТ, было некарэктным.
Гаворка ідзе пра выпуск праграмы ад 16 траўня 2021 года. У абвяржэнні гаворыцца, што ў эфіры праграмы «Контуры» на тэлеканале АНТ на замову ЗАТ «Інтэрнэт-крама Еўраопт» была размешчана інфармацыя, якая змяшчала некарэктнае параўнанне дзейнасці анлайн-гіпермаркета «Е-дастаўка» з больш як дзясяткам гандлёвых сетак.
У прыватнасці прыводзіліся наступныя сцвярджэнні:
«І сочаць, каб цэны былі ніжэйшымі, чым у канкурэнтаў, у сярэднім на 30 адсоткаў»; «Напрыклад, па даных сайта infoprice.by, за падгузнікі ў іншых крамах можна пераплаціць да 46% у параўнанні з «Е-дастаўкай», а розніца ў цане на корм для хатніх жывёл дасягае 42%; «Е-дастаўку» абіраюць усе. Гэта рэальны спосаб грунтоўна сэканоміць».
Кампанія абвяргае ўсе пералічаныя вышэй фразы, якія на замову «Еўраопта» прагучалі ў эфіры АНТ.
Гэта інфармацыя з'явілася на сайце яшчэ тыдзень таму, 26 верасня.
Прызнаць факты ўводу ў зман падчас рэкламы амаль праз два з паловай гады «Е-дастаўка» была вымушана праз рашэнне суда.
Міністэрства гандлю і антыманапольнага рэгулявання распачало расследаванне пасля скаргаў ад сетак «Суседзі», «Гіпа» і «Віталюр», якія яны падалі ў 2021 годзе. Яны абвінавацілі групу «Еўрагандаль» у змове з сэрвісам параўнання цэн ТАА «ІнфаПрайс» (сайт infoprice.by). Напрыклад, сцвярджалі, што цэны на infoprice.by не заўсёды былі карэктнымі.
МАРГ палічыў, што сцвярджэнні аб перавагах інтэрнэт-крамы «Е-дастаўка», прыведзеныя ў рэкламе, немагчыма аб'ектыўна праверыць, а сам анлайн-гіпермаркет не паказаў таму ніякіх доказаў. Міністэрства прызнала гэта нядобрасумленнай канкурэнцыяй
«Еўраопт» не пагадзіўся з рашэннем і падаў у Вярхоўны суд. Вярхоўны суд стаў на бок МАРГ. «Інтэрнэт-крама Еўраопт» таксама атрымала штраф на суму, эквівалентную 10% ад яе гадавой выручкі.
Чытайце таксама:
Планавыя праверкі арганізацый. Да каго завітаюць з праверкай ужо ў кастрычніку
Кава Jacobs хутка знікне з продажу. Які брэнд зойме яе нішу
Цяпер чытаюць
Трагедыя з 30‑гадовай доктаркай са Старобіна — пайшла выдаляць зуб мудрасці і памерла14
Каментары