Яму было 86 гадоў. Ахцісаары быў узнагароджаны Нобелеўскай прэміяй міру за шматгадовую дзейнасць па ўсталяванні міру.
Марці Ахцісаары памёр у панядзелак, 16 кастрычніка, у 6:40 раніцы ў Хельсінкі, паведамляе Yle.fi.
Марці Ахцісаары нарадзіўся 23 чэрвеня 1937 года ў Выбаргу, які праз тры гады заваяваў СССР падчас савецка-фінскай вайны, і на момант смерці яму было 86 гадоў.
Ахцісаары заразіўся каранавірусам у сакавіку 2020 года і зноў у канцы 2021 года. У той час у яго жонкі Эвы Ахцісаары таксама была дыягнаставана каранавірусная інфекцыя. Абодва былі вылечаны ад гэтай хваробы.
Увосень 2021 года ў яго было дыягнаставана расстройства памяці.
Марці Ахцісаары быў дзясятым прэзідэнтам Фінляндыі ў 1994-2000 гадах.
У сакавіку 1989 года ён узначаліў місію ААН у Намібіі. За яго заслугі ў станаўленні незалежнасці краіны быў удастоены звання ганаровага грамадзяніна Намібіі. Ахцісаары спрычыніўся да развязання канфлікту ў Паўночнай Ірландыі, мірыў Інданезію і рух Ачэх.
Узначальваў дзейнасць ААН па пераадоленні наступстваў вайны 1991 года ў Іраку (Бура ў пустыні).
З верасня 1992 па красавік 1993 года ўзначальваў працоўную групу ААН па ўрэгуляванні сітуацыі ў Босніі і Герцагавіне.
Ахцісаары быў узнагароджаны Нобелеўскай прэміяй міру ў 2008 годзе.
Міжнародны дыпламат Марці Ахцісаары змяніў Маўна Койвіста на пасадзе прэзідэнта ў 1994 годзе і займаў пасаду кіраўніка рэспублікі на працягу аднаго тэрміну, да 2000 года.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос10
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары