Здароўе66

Інтэнсіўнасць выкарыстання мабільніка ўплывае на якасць спермы — навукоўцы

Вынікі шматгадовага даследавання швейцарскіх вучоных сведчаць аб уплыве мабільных тэлефонаў на якасць спермы маладых людзей. Але пераход на 4G, падаецца, гэты ўплыў значна зменшыў.

Сперматозоиды и яйцеклетка Spermatozoa and egg Сперматазоіды і яйкаклетка
Ілюстрацыйнае фота: Наша Ніва

Як паведамляецца на сайце Жэнеўскага ўніверсітэта, каманда навукоўцаў гэтай установы ў супрацоўніцтве са Швейцарскім інстытутам тропікаў і глабальнага здароўя апублікавала вынікі буйнога перакрыжаванага даследавання ўплыву электрамагнітнага выпраменьвання мабільных тэлефонаў на якасць спермы.

Якасць спермы вызначаецца ацэнкай такіх параметраў, як канцэнтрацыя сперматазоідаў, іх агульная колькасць, рухомасць і марфалогія.

Паводле значэнняў, устаноўленых Сусветнай арганізацыяй аховы здароўя, чалавеку, хутчэй за ўсё, спатрэбіцца больш за адзін год, каб зачаць дзіця, калі ў яго канцэнтрацыя сперматазоідаў ніжэйшая за 15 мільёнаў на мілілітр. Акрамя таго, працэнтная імавернасць цяжарнасці паменшае, калі канцэнтрацыя сперматазоідаў будзе ніжэйшай за 40 мільёнаў на мілілітр.

Шмат якія даследаванні паказалі, што за апошнія 50 гадоў сярэдняя канцэнтрацыя сперматазоідаў на мілілітр спермы скарацілася больш чым у два разы — з 99 да 47 мільёнаў. Лічыцца, што гэтая з'ява абумоўленая спалучэннем шэрагаў такіх фактараў, як якасць навакольнага асяроддзя (пестыцыды, радыяцыя, эндакрынныя разбуральнікі), лад жыцця (дыета, алкаголь, стрэс, курэнне) і большае выжыванне слабых і хворых дзяцей.

Швейцарскія вучоныя вывучылі сувязь паміж якасцю спермы 2886 мужчын ва ўзросце ад 18 да 22 гадоў і іх штодзённымі звычкамі выкарыстання тэлефона. Усе мужчыны апытваліся ў шасці вайсковых прызыўных цэнтрах.

Мужчыны запаўнялі падрабязны апытальнік, які тычыцца іх ладу жыцця, агульнага стану здароўя і, больш канкрэтна, частасці выкарыстання свайго тэлефона, а таксама дзе яны яго трымалі, калі не карысталіся ім.

Атрыманыя даныя, апублікаваныя ў часопісе Fertility & Sterility, дэманструюць сувязь паміж частасцю карыстання мабільным тэлефонам і канцэнтрацыяй сперматазоідаў.

Так сярэдняя канцэнтрацыя сперматазоідаў была на 21% вышэйшая ў групе мужчын, якія не карысталіся сваім тэлефонам больш за адзін раз на тыдзень (56,5 млн/мл), у параўнанні з мужчынамі, якія выкарыстоўвалі свой тэлефон больш за 20 разоў на дзень (44,5 млн/мл).

Даследаванне выявіла яшчэ адну цікавую заканамернасць.

Сувязь паміж выкарыстаннем мабільнага тэлефона і канцэнтрацыяй сперматазоідаў была яскравай у першы перыяд даследавання, які праводзіўся ў 2005—2007 гадах. У два наступныя перыяды (2008—2011, 2012—2018) яна паступова змяншалася.

Гэтая тэндэнцыя, заўважаюць вучоныя, супадае з пераходам з 2G на 3G, а затым з 3G на 4G, што суправаджалася зніжэннем электрамагнітнага выпраменьвання тэлефонаў.

Аўтары адзначаюць, што праведзенае даследаванне абмежаванае данымі, якія людзі паведамілі самі. Каб ліквідаваць гэтае абмежаванне, у 2023 годзе было распачата даследаванне, мэта якога заключаецца ў тым, каб непасрэдна і дакладна вымераць уздзеянне электрамагнітнага выпраменьвання, а таксама тып выкарыстання — выклікі, вэб-навігацыя, адпраўка паведамленняў — і ацаніць іх уплыў на рэпрадукцыйнае здароўе мужчын і патэнцыял фертыльнасці.

Даныя будуць збірацца з дапамогай праграмы, якую кожны будучы ўдзельнік загрузіць на свой мабільны тэлефон. Цяпер вучоныя набіраюць добраахвотнікаў для ўдзелу. У выніку медыцына атрымае дакладныя даныя пра ўплыў мабільніка на мужчынскую фертыльнасць.

Чытайце яшчэ:

Чаму пеніс мае форму грыба? Навукоўцы знайшлі прычыну

Ці сапраўды пасля сэксу трэба памачыцца? Дактары не пэўныя

Навукоўцы: змяншэнне выпрацоўкі сперматазоідаў пагражае чалавецтву выміраннем

Інстытут фізіялогіі АН: У паловы беларускіх і расійскіх мужчын няякасная сперма

Каментары6

  • .
    01.11.2023
    Карэляцыя гэта не абавязкова прычынна-выніковая сувязь.

    Тое ж самае можна сказаць пра ўплыў 2G, 3G, 4G у 2008-2018. За гэты час маглі змяніцца многія іншыя фактары, якія маюць дачэненне.
    Знойдзенныя карэляцыі гэта толькі ідэі для пошука ісціны, і пакуль не сама ісціна. Навукоўцы гэта павінны ведаць, як і аўтары папнавуковых артыкулаў.

  • Кастусь
    01.11.2023
    якія не карысталіся сваім тэлефонам больш за адзін раз на тыдзень - это как вообще понять? раз в неделю позвонить? зачем тогда этот телефон вообще нужен
  • 5Г
    02.11.2023
    Штосьці мне здаецца што пра 5G нам усё нахлусілі, і пры пераходзе на яго з сперматазоідамі ўвогуле ўсё будзе збс. :)

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Усе навіны →
Усе навіны

Самая танная кватэра — 222 тысячы рублёў. МАПІД прапанаваў кватэры ў «Сонечным» для ўсіх ахвотных5

46‑гадовага мінскага псіхолага і бізнэс-трэнера пасадзілі па палітычнай справе2

Прэзідэнт Манголіі, які тры тыдні таму сустракаўся з Лукашэнкам, падаў у адстаўку, абвінавачаны ў карупцыі1

У Германіі малады беларус ушчэнт раскалаціў фуру аб аўтадом пенсіянераў. Кіроўцаў ратавалі з дапамогай верталётаў

Расійскія і лукашэнкаўскія СМІ дагэтуль не паведамілі пра руйнаванне Крымскага моста7

Цэны на нерухомасць пайшлі ўніз. Прычым не толькі ў Мінску13

У крамах пачалі прадаваць новую экзатычную рэч

Амерыканскі судмедэксперт: Джэфры Эпштэйн, імаверна, быў забіты, а не пакончыў з сабой5

У Камышавасе завяршыўся пошук цел. У выніку расійскага ўдару там загінулі 72 чалавекі

больш чытаных навін
больш лайканых навін

Ці пагражае Крыму блакада праз паралізаваны Крымскі мост?14

Ці пагражае Крыму блакада праз паралізаваны Крымскі мост?

Галоўнае
Усе навіны →

Заўвага:

 

 

 

 

Закрыць Паведаміць