Бюро прамысловасці і бяспекі (BIS) Міністэрства гандлю ЗША працягнула абмежаванні ў дачыненні да беларускай авіякампаніі «Белавія». Гэта патлумачылі тым, што беларускі перавозчык, «нягледзячы на забарону, усё яшчэ працягвае эксплуатаваць самалёты, вырабленыя ў ЗША або з выкарыстаннем мясцовых камплектуючых, на рэйсах з Беларусі ў Расію, Турцыю, Егіпет і ААЭ». Адпаведны дакумент апублікавалі на сайце BIS.
Пры гэтым тэрмін дзеяння санкцый павялічылі. Гэтым разам пытанне адносна іх збіраюцца пераглядаць не праз шэсць месяцаў, як раней, а праз год, то-бок у снежні 2024-га.
Пра санкцыі супраць «Белавія» амерыканцы ўпершыню аб'явілі ў чэрвені 2022 года. Іх патлумачылі «выкарыстаннем вырабленых у ЗША самалётаў у абыход абмежаванняў, устаноўленых на фоне ваенных дзеянняў Расіі на тэрыторыі Украіны».
З таго моманту «Белавія» страціла магчымасць атрымліваць для сваіх машын вытворчасці кампаній Boeing і Embraer запчасткі, а таксама карыстацца паслугамі па рамонце і абслугоўванні з ужываннем амерыканскага абсталявання.
Апошні раз перад цяперашнім рашэннем санкцыі працягвалі ў чэрвені гэтага года.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах6
Каментары