Дзясяткі паштаматаў «Белпошты», якія былі ўсталяваныя па ўсёй краіне, не карыстаюцца попытам, у сувязі з чым беларускі паштовы аператар вырашыў прыпыніць далейшае развіццё гэтай ініцыятывы.
Як распавяла агенцтву «Sputnik Беларусь» гендырэктар «Белпошты» Святлана Юркевіч, у Беларусі функцыянуюць 40 паштаматаў, прычым больш за ўсё яны актуальныя для грамадзян, якія заказваюць пасылкі з-за мяжы. Паводле яе слоў, цяпер у сувязі з нізкай запатрабаванасцю праект плануецца прыпыніць.
«На ўнутраным рынку яны не моцна запатрабаваныя. Мы разглядаем нейкае іншае рашэнне, якое будзе прасцей. Гэты праект мы паставім на паўзу», — заявіла Юркевіч.
Кіраўнік «Белпошты» адзначыла, што па першапачатковай задуме паштаматы павінны былі спрыяць скарачэнню чэргаў пры атрыманні пасылак з замежжа, аднак на цяперашні момант гэты паток сур'ёзна знізіўся. Усяго ў месяц беларусам дастаўляюць каля 600 тыс. міжнародных пасылак — частка з іх сыходзіць у паштаматы.
Паштаматы «Белпошты» ёсць ва ўсіх абласных гарадах, а таксама ў Оршы, Лідзе, Барысаве, Бабруйску і іншых раённых цэнтрах.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну29
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары
это как-то нечестно