Расіяне ўдарылі «Іскандэрам» па калоне ўкраінскай тэхнікі. Падобна, знішчаныя дзве пускавыя ўстаноўкі Patriot
Акупанты з дапамогай беспілотніка выявілі калону УСУ пад Пакроўскам на Данеччыне, у склад якой уваходзілі па меншай меры дзве ўстаноўкі амерыканскага ЗРК, і знішчылі іх ударам «Іскандэра», з вялікай верагоднасцю знішчыўшы і экіпаж, лічаць СМІ і аналітыкі.
Міністэрства абароны РФ падчас брыфінгу 9 сакавіка заявіла, што акупацыйнымі войскамі быў знішчаны зенітны ракетны комплекс С-300. Пры гэтым незалежныя аналітыкі прыйшлі да высновы, што на кадрах з наступствамі ўдару відаць кабіну як мінімум аднаго грузавіка MAN. Такія грузавікі ўваходзілі ў склад батарэі зенітнага ракетнага комплексу Patriot, якую Украіне перадала Германія.
Журналісты Forbes, а таксама аналітык BILD Юльян Ропке пішуць, што пускавыя ўстаноўкі былі за 10 метраў адна ад адной, і яны «былі прыпаркаваныя дастаткова доўга, каб Расія выпусціла па іх балістычную ракету».
Russian Forces struck 2 launchers of Ukraine MIM-104 Patriot near Pokrovsk.
Though they misidentified it as S300. pic.twitter.com/gHakfC0ccI
Удакладняецца, што гэта першы выпадак за два гады поўнамаштабнай вайны Расіі супраць Украіны, калі расіянам удалося знайсці і знішчыць батарэі ўкраінскіх Patriot.
«Цалкам магчыма, што пускавыя ўстаноўкі і экіпажы, якія «Іскандэр» паразіў на гэтым тыдні за 30 кіламетраў ад лініі фронту, былі тымі самымі, якія збілі шмат расійскіх самалётаў. Паветра над усходам Украіны, магчыма, стала нашмат бяспечнейшым для расіянам», — піша Forbes.
У сваю чаргу Інстытут вывучэння вайны пакуль не пацвярджае знішчэнне ўкраінскіх ЗРК, бо расіяне дэманстравалі кадры знішчэння грузавікоў MAN, якія могуць як перавозіць устаноўкі Patriot, так і выкарыстоўвацца ў лагістыцы.
Цяпер чытаюць
Хто той чацвёрты вайсковец ЗША, якога дагэтуль шукаюць? І які амаль супадае па ўзросце з амерыканцам, затрыманым пад Маладзечнам1
Каментары
у комплексе да дзесяці пускавых, радары, электрастанцыі і гд