Збіраюцца судзіць завочна дзевяць фігурантаў справы «дваровых чатаў»
У Беларусі дзевяць чалавек, якіх звязваюць са справай «дваровых чатаў», збіраюцца судзіць завочна. Пра гэта сведчыць спіс асобаў, у дачыненні да якіх Следчы камітэт распачаў спецыяльную вытворчасць.
У гэты пералік увайшлі Іван Амялян, Станіслаў Ботвін, Вольга Няхайчык, Наталля Гужава, Кастусь Кірыленка і Лізавета Плітнік. У лістападзе 2024 года ўсіх шасцярых унеслі ў спіс удзельнікаў так званага «экстрэмісцкага фармавання» «Ордэн».
Паводле КДБ, у гэтую структуру ўваходзяць дваровыя суполкі «Злые когтики», «Сухарево», «Сеніца2.0», «Солидарность», «Вольныя ваўкі», «Навагрудскія партызаны», «ВИЛИЯ» і «Скромные матрешки», а таксама арганізацыя «Соседи».
Яшчэ трое фігурантаў — Ірына Трафімік, Ігар Ліхач і Андрэй Пупкевіч. Раней іх не згадвалі ў сувязі з «Ордэнам».
Усіх дзевяцярых абвінавачваюць у змове з мэтай захопу дзяржаўнай улады і ўдзеле ў экстрэмісцкім фармаванні.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары