Экскурсаводаў абавязалі ведаць дзяржаўную ідэалогію і садзейнічаць прызнанню ўнікальнасці беларускай мадэлі
У Беларусі з 21 кастрычніка пачалі дзейнічаць новыя прафесійныя і этычныя патрабаванні да экскурсаводаў і гідаў-перакладчыкаў. Іх зацвердзіла Нацыянальнае агенцтва па турызме.
Усяго пералік уключае 22 пункты. Сярод новых абавязкаў — ведаць асновы ідэалогіі беларускай дзяржавы, зацверджаныя дырэктывай Лукашэнкі ад 9 красавіка 2025 года № 12, і ўкараняць напрамкі ідэалагічнай працы ў сваю прафесійную дзейнасць.
Акрамя таго, экскурсаводы павінны садзейнічаць умацаванню станоўчага міжнароднага іміджу Беларусі і прызнанню ўнікальнасці беларускай мадэлі грамадскага развіцця. Падчас правядзення экскурсій яны таксама абавязаныя выконваць абмежаванні, прадугледжаныя беларускім заканадаўствам.
Змяніліся і правілы карэкціроўкі экскурсійных праграм. Калі экскурсійнае абслугоўванне з'яўляецца часткай турыстычнага пакета або комплексам турыстычных паслуг, змяняць праграму па маршруце цяпер можна толькі па ўзгадненні з суб'ектам турыстычнай дзейнасці. Раней для гэтага патрабавалася ўзгадненне з кіраўніком.
Для гідаў-перакладчыкаў асобна прапісалі патрабаванне перакладаць тэкст экскурсіі на замежную мову або з яе без скажэння сэнсу арыгіналу.
Разам з тым з патрабаванняў выключылі пункт аб захаванні аўтарскіх і сумежных правоў распрацоўшчыкаў экскурсій. Раней экскурсаводы павінны былі не дапускаць прысваення вынікаў інтэлектуальнай уласнасці, а таксама цытаваць распрацоўшчыкаў экскурсій і іншых аўтараў згодна з заканадаўствам, пазначаючы іх аўтарства. Цяпер гэтага абавязку ў пераліку няма.
У Нясвіжскім замку прадаюць сувенір за $2,8 тысячы
«Пачынаю разумець людзей, якія жывуць у турыстычных гарадах і не любяць заезджых». Што турыстычны бум прыносіць Гродну
Мінскага экскурсавода з найвышэйшымі адзнакамі ад турыстаў асудзілі за палітыку
Чым вабіць начная экскурсія, за якой ганяецца ўвесь Мінск
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну93
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1515
Каментары
Злачынны беларусафобскі кляты рэжым аўтакрата, гаўляйтара, карупцыянера, чалавеканенавісніка які не маючы ніякай легітымнасці на суперак волі і жадання народу пасінелымі лапамі трымаецца за ўладу і сядзіць на падтрымцы злачынных карных ворганаў дзеля таго каб рабаваць краіну і народ ўсім сваім клятым вывадкам.