Беларускі майстар покеру зноў выйграў на турніры больш за мільён даляраў
Турнір $100,000 Short Deck Ante Only праходзіў 20-21 сакавіка ў паўднёвакарэйскім горадзе Чэджу, піша выданне «Беларусь і свет». У ім узялі ўдзел 34 гульцы, кожны зрабіў уступны ўнёсак у 100 тысяч даляраў. У выніку прызавы фонд склаў 3,4 мільёна даляраў, які павінны былі падзяліць ў фінале толькі шэсць пакерыстаў. Самую буйную суму — 1 153 000 мільёнаў даляраў — атрымаў ураджэнец беларускага Мазыра Мікіта Бадзякоўскі, які заняў першае месца.
Цяперашняя перамога вывела мазыраніна на шостае месца ў свеце па сукупным выйгрышы ў жывым покеры ў рэйтынгу сайта thehendonmob. com. Агульная сума яго прызавых, заробленых за ўсю кар'еру — больш за 52,7 мільёна долараў.
Трэба, аднак, мець на ўвазе, што інфармацыя аб выйгрышах гульцоў у покер не адлюстроўвае іх сапраўдны асабісты грашовы баланс.
Па-першае, нават пры выйгрышы з атрыманай у выніку сумы заўсёды варта адняць грошы ўнесенага гульцом уступнага ўнёску. Па-другое, часта крыніцай сродкаў для ўнёску робяцца інвестары, таму гульцу дастаецца толькі частка прызавых. Па-трэцяе, на кожны выйгрыш прыпадае шэраг таксама часта буйных пройгрышаў, якія застаюцца за кадрам.
Беларус выйграў у покер больш за 7 мільёнаў даляраў
Беларус выйграў у покер ужо амаль 40 мільёнаў даляраў. Але гэта не значыць, што ён супербагаты
Беларус выйграў на Кіпры турнір па покеры і разгарнуў сцяг Украіны
Беларус Мікіта Бадзякоўскі выйграў прэстыжны залаты бранзалет у покерным турніры, зарабіўшы $1,5 мільёна
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос26
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары