Пра падпісанне закона паведаміла прэс-служба Лукашэнкі. Як сцвярджаецца, «дакумент накіраваны на абарону жывёл ад жорсткага абыходжання, а таксама на забеспячэнне правоў і законных інтарэсаў фізічных і юрыдычных асоб пры абыходжанні з жывёламі».
Законам прадугледжваецца:
- вызначэнне агульных правіл абыходжання з жывёламі (жывёламі-кампаньёнамі, лабараторнымі, службовымі жывёламі і жывёламі, што выкарыстоўваюцца ў культурнай дзейнасці і спорце);
- надзяленне ўрада паўнамоцтвамі па вызначэнні пераліку жывёл-кампаньёнаў, якія падлягаюць рэгістрацыі, і парадку іх утрымання ў хатніх умовах;
- замацаванне павышаных патрабаванняў да ўтрымання небяспечных сабак (уладальнікі такіх сабак будуць абавязаныя прайсці спецыяльныя курсы і атрымаць пасведчанні);
- забарона на наведванне з жывёламі-кампаньёнамі (акрамя сабак-павадыроў) харчовых крам, арганізацый аховы здароўя і адукацыі, аб'ектаў культурнай інфраструктуры, фізкультурна-спартыўных збудаванняў;
- абмежаванне продажу жывёл непаўналетнім асобам;
- абавязак гадавальнікаў чыпаваць прыплод (сабак, катоў), які прадаецца.
Пры гэтым для ўладальнікаў жывёл-кампаньёнаў вызначаецца права чыпіраванне гадаванцаў. Устанаўліваецца таксама механізм часовага абмежавання права ўласнасці на жывёлу і яе канфіскацыі за парушэнне ўладальнікам умоў абыходжання з жывёлінай, што пацягнула прычыненне шкоды здароўю грамадзян, жывёл або маёмасці.
Таксама законам вызначаюцца патрабаванні па стварэнні і дзейнасці пунктаў часовага ўтрымання, прытулкаў і гатэляў для жывёл. У прыватнасці, забаронена размяшчэнне такіх аб'ектаў у жылых дамах, устаноўленыя ўмовы ўтрымання жывёл і іх перадачы новым уладальнікам.
Асноўныя палажэнні закона ўступаюць у сілу з 1 студзеня 2025 года.
Цяпер чытаюць
Анжаліка Мельнікава тыдзень правяла на Шры-Ланцы і вылецела з дзецьмі ў Дубай31
Каментары
Лукашэнка - ніхто, і законы яго - нішто.