Дарадца прэзідэнта Літвы прапанаваў скараціць патокі беларусаў, што прыязджаюць у краіну
Як сцвярджае дарадца прэзідэнта Кястуціс Будрыс, неабходна знайсці рашэнні, якія абмяжоўваюць плынь грамадзян Расіі і Беларусі, якія прыбываюць у Літву. Аднак гэта неабходна зрабіць, выразна вылучыўшы прадстаўнікоў беларускай апазіцыі, піша Delfi.lt.
«Прэзідэнт [Наўседа] кажа, што дзейнасць, якую вядуць супраць нас беларускія службы, дазваляюць нам аднолькава ацэньваць усіх грамадзян замежных краін — Расіі і Беларусі — якія перасякаюць мяжу», — заявіў Будрыс у эфіры радыёстанцыі Žini rad radijas. «(Патокі неабходна) істотна абмежаваць і скараціць, бо цяпер яны занадта вялікія. І тое, што кажуць наша разведка і контрразведка, трэба да гэтага паставіцца сур'ёзна», — сказаў ён.
Пры прыняцці рашэнняў аб абмежаванні патокаў з Расіі і Беларусі неабходна вылучыць прадстаўнікоў беларускай апазіцыі.
«Не чапаць пытанні, якія ніхто не ставіць пад сумнеў — беларускую апазіцыю, людзей, якія ўжо знаходзяцца тут, у якіх ужо ёсць часовы від на жыхарства ў Літве, якія ствараюць сем'і. І перастаць запалохваць іх цяжкімі наступствамі ў мэтах палітычнага маніпулявання», — падкрэсліў ён.
На мінулым тыдні Сейм Літвы прыняў рашэнне ўхваліць папраўкі да закона, накіраваныя на падаўжэнне нацыянальных санкцый супраць грамадзян Расіі і Беларусі яшчэ на год і ўзмацненне жорсткасці надгляду беларусаў, якія прыбываюць у краіну. Аднак у ходзе пасяджэння дэпутаты Сейма вырашылі не разглядаць прапанову кансерватара Аўдронюса Ажубаліса пра пазбаўленне грамадзян Расіі і Беларусі выдаванага ім дазволу ў на жыхарства ў выпадку, калі гэтыя асобы выязджаюць на радзіму часцей за адзін раз на тры месяцы.
Хоць гэтая прапанова была прадстаўлена ў ходзе пасяджэння, з-за адсутнасці кворуму прапанова не была прынята да разгляду.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары