У выпуску ТОКу бізнэсовец Аляксандр Кныровіч выказаў сваё стаўленне да ўласніка «Савушкавага прадукту» і «Санта-Брэмар».
Аляксандр Кныровіч ацаніў кошт бізнэсу ўласніка «Савушкавага прадукту» і «Санта-Брэмар» лічбай «больш за мільярд [даляраў]». Ён мяркуе, што Аляксандр Машэнскі «мае вельмі добры бізнэс, які развіваецца як паспяховы».
«Ёсць квоты на ўвоз рыбы ў Беларусь, якія абы-каму не даюць, ёсць нейкія бонусы, але невядома, ці гэта плюсы ці мінусы. Напрыклад, яму даюць нейкія стратныя жывёлагадоўчыя фермы ці нешта іншае. Ён павінен іх цягнуць. З пункту гледжання звычайнага чалавека: «вось яму падарылі дзяржаўную маёмасць».
А з пункту гледжання прадпрымальніка [гэта сітуацыя, калі] ў яго ўсё было добра, і яму сказалі: «Калі ў цябе ўсё добра, то цягні вось гэты стратны бізнэс», — выказвае Кныровіч свой погляд і падкрэслівае сваё добрае стаўленне да яго:
«Я стаўлюся [да Машэнскага] з вялікай павагай. Яны зрабілі вялікую добрую справу, і я не ведаю, за што яго можна дакараць — што ён нешта атрымаў не па законе ці нешта абышоў. Для мяне Машэнскі і Шакуцін — гэта з розных сусветаў людзі».
Глядзіце цалкам:
Цяпер чытаюць
«Узнікаюць уяўленні, што палітвязні мусяць быць стойкімі, сабранымі, удзячнымі. А рэальнасць розная». Пагаварылі з людзьмі, якія водзяць дэпартаваных літаральна за руку66
Каментары