«Знішчаны склад дронаў, інструктары і курсанты». Украіна паказала здымкі расійскай базы запуску дронаў пасля ўдару
ВМС Украіны сцвярджаюць, што ўдарылі па складзе «Шахедаў» 21 чэрвеня.
Ваенна-марскія сілы Украіны паказалі спадарожнікавыя здымкі базы запуску расійскіх дронаў у Ейску пасля ўдару 21 чэрвеня.
Навучальная база, склад дронаў і інфраструктура для запуску беспілотнікаў у Краснадарскім краі, як сцвярджаюць у ВМС Украіны, былі знішчаны сіламі флота і СБУ.
Акрамя склада «Shahed-136 / Герань-2», ударам украінскіх беспілотнікаў былі знішчаныя навучальныя карпусы, а таксама пункты кіравання і сувязі разлікаў БПЛА.
Таксама былі знішчаны інструктары, якія рыхтавалі тэхнічны персанал і курсантаў-аператараў дронаў, якія ў момант удару знаходзіліся на базе, сцвярджае ВМС Украіны.
СБУ раней паведамляла пра ўдары па палігоне 167-га навучальнага цэнтра ў Ейску ў Краснадарскім краі, адкуль расейцы запускаюць «Шахеды» па Украіне. Аб пажары ў Ейску пісалі мясцовыя каналы, аднак афіцыйна расейскія ўлады не паведамлялі аб наступствах налёту.
Цяпер чытаюць
У пачатку вайны кавэзэшніцу Марыну Грыцук вывозілі з-пад Кіева на танку. Цяпер яна вядзе мерапрыемствы ў Расіі3
Каментары
🧐 У трох сказах, што ідуць-бягуць запар, ужыты словы «былі знішчаны» й «былі знішчаныя». Падобна, гэтых ... не вучылі, што падобныя паўторы — стылістычная памылка, якой мейсца толькі ў сачыненьнях шкалаты сярэдніх клясаў і ў засіжаных казуркамі сьценгазэтах неахайных прадпрыемстваў.
📖 І пра так званыя сынонімы, якія можна адшукаць у сеціве, не абцяжарваючы сябе купляй папяровых слоўнікаў і іх «надакучлівым» гартаньнем.
🤐 Тутака выснова, вядома, зразумелая, але агучваць яе ня буду, каб камэнт, дай Бог, прайшоў цэнзуру.