«Źniščany skład dronaŭ, instruktary i kursanty». Ukraina pakazała zdymki rasijskaj bazy zapusku dronaŭ paśla ŭdaru
VMS Ukrainy śćviardžajuć, što ŭdaryli pa składzie «Šachiedaŭ» 21 červienia.
Vajenna-marskija siły Ukrainy pakazali spadarožnikavyja zdymki bazy zapusku rasijskich dronaŭ u Jejsku paśla ŭdaru 21 červienia.
Navučalnaja baza, skład dronaŭ i infrastruktura dla zapusku bieśpiłotnikaŭ u Krasnadarskim krai, jak śćviardžajuć u VMS Ukrainy, byli źniščany siłami fłota i SBU.
Akramia składa «Shahed-136 / Hierań-2», udaram ukrainskich bieśpiłotnikaŭ byli źniščanyja navučalnyja karpusy, a taksama punkty kiravańnia i suviazi raźlikaŭ BPŁA.
Taksama byli źniščany instruktary, jakija rychtavali techničny piersanał i kursantaŭ-apierataraŭ dronaŭ, jakija ŭ momant udaru znachodzilisia na bazie, śćviardžaje VMS Ukrainy.
SBU raniej paviedamlała pra ŭdary pa palihonie 167-ha navučalnaha centra ŭ Jejsku ŭ Krasnadarskim krai, adkul rasiejcy zapuskajuć «Šachiedy» pa Ukrainie. Ab pažary ŭ Jejsku pisali miascovyja kanały, adnak aficyjna rasiejskija ŭłady nie paviedamlali ab nastupstvach nalotu.
Ciapier čytajuć
«Što vy hadaść amierykanskuju padsoŭvajecie?» Łukašenka zahadaŭ, kab u Mak.by było ŭsio biełaruskaje7
Kamientary
🧐 U troch skazach, što iduć-biahuć zapar, užyty słovy «byli źniščany» j «byli źniščanyja». Padobna, hetych ... nie vučyli, što padobnyja paŭtory — stylistyčnaja pamyłka, jakoj miejsca tolki ŭ sačynieńniach škałaty siarednich klasaŭ i ŭ zasižanych kazurkami ścienhazetach nieachajnych pradpryjemstvaŭ.
📖 I pra tak zvanyja synonimy, jakija možna adšukać u siecivie, nie abciažarvajučy siabie kuplaj papiarovych słoŭnikaŭ i ich «nadakučlivym» hartańniem.
🤐 Tutaka vysnova, viadoma, zrazumiełaja, ale ahučvać jaje nia budu, kab kament, daj Boh, prajšoŭ cenzuru.