У крамах сеткі Еўраопт пачалі прадаваць лёд у кубачках. Хадавы тавар паказалі ў тыкток-акаўнце гандлёвай сеткі, ролік набраў больш за 280 тысяч праглядаў.
«Знойдзены круты лайфхак у спякоту! Бярэм кубачак з лёдам, заліваем любы напой і атрымліваем асалоду ад прахалоды», — прапанавалі ў кампаніі пакупнікам.
На відэа паказалі, што кубачкі з лёдам у крамах Еўраопта ляжаць у маразільніках. На іх — брэндавая налепка «Зноў спёка? Захапіце мяне». Пластыкавы кубачак з вечкам запоўнены лёдам напалову.
Беларусы пракаментавалі відэа з прахалоднай навінкай, заўважыўшы, што ідэя не новая, а кошт у амаль 1 беларускі рубель высокі. Хтосьці здзіўляўся, навошта купляць лёд, калі можна проста набыць напой з халадзільніка. Трэція перажывалі, што пакуль дойдзеш да касы і адстаіш чаргу — лёд растане.
Але знайшлося сярод каментатараў нямала тых, хто шчыра парадаваўся навінцы.
Цяпер чытаюць
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу9
Доктарка, якая вучылася па мэтавым накіраванні, адпрацавала паўтара года з пяці — і пераехала ў Польшчу
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4848
Каментары