БТ паказала Алімпіяду, хоць у яго няма правоў. Карцінку ўзялі з «Еўраспорту»
Канал «Беларусь 5» вырашыў парадаваць тэлегледачоў поспехам плыўчыхі Аліны Змушкі.
«Беларусь 5» раптам паказаў жаночы заплыў на стометроўцы брасам на Алімпіядзе-2024, хоць у Белтэлерадыёкампаніі няма правоў на трансляцыю гульняў.
Заплыў, па выніках якога беларуска Аліна Змушка выйшла ў фінал Алімпіяды, гледачы маглі ўбачыць выпадкова — падчас аднаго з выпуску навін, заўважыла by.tribuna.com.
Трансляцыю не анансавалі ў праграме перадач. Пры гэтым Заплыў з удзелам Змушкі паказалі не ў навінавым фармаце, а паўнавартасным — з каментатарам «Беларусь 5». Таксама трансляцыю паказалі ў перапынку матчу Кубка Беларусі па футболе
Падчас паказу ў правым верхнім куце размясцілі лагатып спартыўнага сайта ТРК sport5.by. пры гэтым за ім праглядаўся лагатып арыгінальнай трансляцыі — карцінку, мяркуючы па ўсім, узялі ў «Еўраспорту».
Відэа апублікавалі і ў тэлеграм-канале sport5.by.
Фінальны заплыў на стометроўцы брасам з удзелам Аліны Змушкі пройдзе сёння ў 22.25 па Мінску.
Цяпер чытаюць
Хто такая Алеся Пархоменка з Кіпра, якая развязала беларуска-беларускую вайну33
Хто такая Алеся Пархоменка з Кіпра, якая развязала беларуска-беларускую вайну
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1414
Каментары