Знайшліся тры ўстановы, гатовыя навучыць замежнікаў беларускай мове
У сталіцы ёсць як мінімум тры ўстановы адукацыі, дзе даюць такую магчымасць для ўсіх замежнікаў. І гэта не гаворачы пры якія-небудзь прыватныя курсы або рэпетытараў, пішуць Мінск-навіны.
Гэта Мінскі дзяржаўны лінгвістычны ўніверсітэт (МДЛУ).
Калі ў замежніка ёсць рэгістрацыя ў Мінску, ён можа звярнуцца ва ўпраўленне міжнародных сувязяў МДЛУ і аформіць індывідуальнае навучанне па беларускай мове. Пры гэтым выбар колькасці заняткаў, іх тэматыкі застаецца за навучэнцам, — распавялі ў Інстытуце павышэння кваліфікацыі і перападрыхтоўкі ВНУ.
Сам курс называецца «Беларуская як замежная», і калі ад замежніка паступае запыт, ён перадаецца на кафедру беларускай мовы і літаратуры, прызначаецца выкладчык курсу, які курыруе замежнага навучэнца.
Такія запыты рэгулярна паступаюць, навучанне прадстаўнікоў замежжа — гэта ўжо сістэмная праца. Сярод іх шмат кітайцаў, быў нават чэх.
Таксама такая магчымасць існуе ў Беларускім дзяржаўным педагагічным універсітэце імя Максіма Танка на падрыхтоўчым аддзяленні Цэнтра дадатковай адукацыі «Альтэрнатыва». Там фармуюцца навучальныя групы з розным тэрмінам навучання — ад 3,5 да 10 месяцаў. Але там пераважна навучаюць рускай мове, а наконт беларускай мовы заявак ад груп не паступала. Аднак універсітэт прапануе прайсці індывідуальны навучальны курс.
Таксама можна звярнуцца ў Рэспубліканскі інстытут вышэйшай школы (РІВШ), які праводзіць навучальныя курсы як па рускай, так і па беларускай мовах для замежных грамадзян. Самі заняткі па жаданні будуць праходзіць індывідуальна альбо ў малакамплектных групах ад 3 да 5 чалавек, у стандартных — ад 10 да 12 чалавек. І зноў жа тая ж праблема. Для расійскай мовы ёсць запыты, а вось запыт на беларускую паступае рэдка.
Цяпер чытаюць
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос23
Віцебскі вядучы пажартаваў на закрытым мерапрыемстве. Праз дзве гадзіны да яго прыехала міліцыя праз данос
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу1313
Каментары