Крыху зменіцца парог сумы падарункаў, з якіх не трэба плаціць падатак
З 1 студзеня ў Беларусі зменіцца сума даходаў, атрыманых фізасобай у якасці падарунка, якія не абкладаюцца падаходным падаткам. Такія папраўкі прапануецца ўнесці ў Падатковы кодэкс
У 2024-м падаткам не абкладаюцца падарункі агульнай сумай у 10 431 рубель. З 1 студзеня наступнага года плануецца падняць гэтую планку да 11 516 рублёў.
Гаворка ідзе аб даходах фізасоб, атрыманых не ад прадпрымальніцкай дзейнасці. Аднак калі за год такія даходы-падарункі перавысяць 11 516 рублёў, прыйдзецца заплаціць падатак у памеры 13% з сумы перавышэння.
Калі грошы былі падораныя ў валюце, іх пералічаць на беларускія рублі па курсе Нацбанка.
Акрамя гэтага, з 3151 да 3479 рублёў вырасце сума, атрыманая ў выглядзе матэрыяльнай дапамогі, падарункаў і прызоў ад арганізацый або ІП, якія з'яўляюцца месцам асноўнай працы. Яна таксама вызваляецца ад выплаты падаходнага падатку.
Каментары