У Турцыі выкрылі буйное махлярства з замежнымі турыстамі. Іх возяць па славутасцях, якіх не існуе
Як паведамляе турэцкая прэса, некаторыя турфірмы ў рэгіёне Кападокія арганізуюць экскурсіі ў няісныя славутасці, выдаючы іх за знакамітыя лакацыі, а таксама дэманструюць ім музеі, якія насамрэч не існуюць.
Рэгіянальныя гіды правялі ўласнае расследаванне і выявілі, што некаторыя турфірмы прапануюць экскурсіі па значна заніжаных цэнах, што выклікала падазрэнні.
«Некаторыя гіды адвозяць замежных турыстаў у месцы недалёка ад Іхлары, сцвярджаючы, што гэта Герэме — знакаміты горад, размешчаны каля ўваходу ў аднайменную даліну, вядомы сваімі пячорнымі храмамі візантыйскага часу. Пры гэтым яны расказваюць пра гісторыю і культуру рэгіёну. У асобных выпадках турыстаў нават возяць на склады для лімонаў, выдаючы іх за падземныя гарады, або паказваюць вясковыя дамы ў Чардаку», — паведамляе мясцовая асацыяцыя гідаў.
СМІ адзначаюць, што многія замежныя турысты не падазраюць пра падмену, бо не знаёмыя з мясцовасцю. Калі турыст аказваецца дасведчаным, яму паведамляюць, што ў сапраўдных славутасцях ідуць рамонтныя работы.
Гіды падкрэслілі, што іншаземцы, якія праехалі тысячы кіламетраў, каб убачыць прыгажосці Кападокіі, вяртаюцца расчараванымі і не падазраюць, што сталі ахвярамі падману. Гэта не толькі падрывае імідж Турцыі, але і вядзе да значных страт у даходах ад турызму.
Гіды патрабуюць выяўлення ашуканскіх агенцтваў і прымянення да іх неабходных санкцый.
Старажытныя крэпасці, дзівосныя грузавікі і чайныя бары. Беларусы расказалі, як можна адпачываць у Пакістане
Колькасць беларускіх турыстаў у Турцыі вырасла на траціну, але ў агульнай статыстыцы іх доля мізэрная
«Усе дзівіліся, як мы знайшлі такія цэны». Дзясяткі беларусаў купілі танныя туры, але да мора не даехалі
Цяпер чытаюць
Ад рэкету да продажу фота магіл. Як выглядае знутры групоўка Project X, якая вярбуе людзей для перавозкі мігрантаў з Беларусі ў ЕС4
Каментары