Прэзідэнт Бразіліі ўпаў у сваёй рэзідэнцыі і стукнуўся галавой. Праз гэта ён адмяніў паездку на саміт БРІКС
Прэзідэнт Бразіліі Луіс Інасіа Лула да Сілва адмяніў паездку на саміт БРІКС у Казані па парадзе дактароў. Саміт адбудзецца 22-24 кастрычніка, прэзідэнт Бразіліі возьме ўдзел у ім па відэасувязі.
Апарат прэзідэнта Бразіліі паведаміў, што здарылася.
Лула павінен быў вылецець на саміт ужо ў другой палове дня па мясцовым часе ў нядзелю. Але ён упаў у сваёй рэзідэнцыі і пашкодзіў галаву ў вобласці патыліцы. Яго агледзелі дактары ў бальніцы, якія вырашылі не шпіталізаваць прэзідэнта, піша Бі-бі-сі.
У даведцы з бальніцы сказана, што 78-гадовы прэзідэнт можа выконваць свае абавязкі, але ад далёкіх авіяпералётаў яму рэкамендуецца часова адмовіцца.
Саміт БРІКС павінен быў стаць самай прадстаўнічай міжнароднай сустрэчай у Расіі з часу яе нападу на Украіну. Расія прадстаўляе свой удзел у БРІКС як аргумент на карысць таго, што заходнія намаганні, накіраваныя на яе дыпламатычную ізаляцыю, праваліліся. Прэзідэнт Бразіліі вядомы сваім стрыманым стаўленнем у ваеннай падтрымцы Украіны.
Пры гэтым сам Уладзімір Пуцін два дні таму пацвердзіў, што не паедзе на саміт G20, які пройдзе ў лістападзе ў Бразіліі. Бразілія з'яўляецца чальцом Міжнароднага крымінальнага суда, які выдаў ордэр на арышт Пуціна, аднак расійскі прэзідэнт пераконвае, што гэта не было прычынай ягонай пастановы.
Цяпер чытаюць
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?20
Што вядома пра 18‑гадовую бяспраўніцу Дзіяну, якая разам з двума сябрамі разбілася ўначы ў Вілейскім раёне?
«Пасля першага забойства з ім развялася жонка». Што вядома пра шматдзетнага Сяргея са Столінскага раёна, які пасля вызвалення з калоніі забіў трох чалавек33
Каментары