«Нядобрыя навіны». Шольц распавёў пра сваю тэлефонную размову з Пуціным
Канцлер Нямеччыны Олаф Шольц выступіў у абарону рашэння патэлефанаваць у Крэмль, за якое яго крытыкуюць.
Размаўляючы з журналістамі ў аэрапорце Берліна ў нядзелю перад вылетам у Бразілію на саміт G20, Шольц сказаў, што званок Пуціну быў неабходны, каб развеяць ілюзіі, якія той мог песціць, што Захад збіраецца адмовіцца ад падтрымкі Украіны, піша ВВС са спасылкаю на Reuters.
На думку Шольца, з улікам хуткага вяртання Дональда Трампа на пасаду прэзідэнта ЗША было б нядобра, калі б Вашынгтон падтрымліваў рэгулярныя кантакты з Пуціным, а ніводзін еўрапейскі лідар не падтрымліваў бы.
Са слоў Шольца, гутарка з Пуціным была «вельмі падрабязнай», і стала зразумела, што мала што змянілася ў поглядах расійскага прэзідэнта на вайну. «І гэта нядобрыя навіны», — канстатаваў Шольц.
Канцлер Нямеччыны патэлефанаваў Пуціну ў пятніцу ўпершыню са снежня 2022 года. Гутарка працягвалася каля гадзіны. Сярод тых, хто крытыкаваў Шольца за размову з расійскім прэзідэнтам, быў Уладзімір Зяленскі. Прэзідэнт Украіны лічыць, што Шольц адкрыў «скрыню Пандоры».
«Цяпер могуць быць іншыя размовы, іншыя званкі. Проста шмат слоў. І менавіта тое, што Пуцін даўно хоча: яму вельмі важна аслабіць яго ізаляцыю, ізаляцыю Расіі і весці звычайныя перамовы, якія не будуць нічым завяршацца», — заявіў Зяленскі. Паводле звестак Reuters, прэзідэнт Украіны адгаворваў Шольца ад размовы з Пуціным.
Цяпер чытаюць
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ5454
«Дэкаланізацыя — гэта прыйсці і заняць сваё месца». Наста Рагатко будзе ўдзельнічаць у фестывалі расійскай кнігі. Суліма яе асудзіў, яна не змаўчала ў адказ54
Ці патрэбная беларуская мова тым, хто размаўляе па-руску? Азаронак задаўся такім пытаннем на СТБ, а выпускнік Акадэміі МУС прапанаваў замяніць урокі факультатывамі4949
Каментары