Прэтэндэнт у прэзідэнты Аляксандр Хіжняк расказаў, што трапіў у 2020 годзе ў «Чорную кнігу»
Старшыня Рэспубліканскай партыі працы і справядлівасці (РППС) Аляксандр Хіжняк расказаў Tochka.by пра некаторыя факты сваёй біяграфіі і як ідзе збор подпісаў.
Пасля выбараў-2020, калі палітык кіраваў выбаркамам, яго сям'я сутыкнулася з цкаваннем, наракае ён. Таму вылучэнне ў прэзідэнты абмяркоўвалася і ў хатнім коле.
«Адзінае пытанне, якое сям'я задала: не будзе так, як тады?» — узгадвае кіраўнік партыі.
У 2020 годзе звесткі Аляксандра і яго блізкіх былі злітыя ў сетку, і ён стаў ахвярай інфармацыйнай атакі.
«Я быў у ўсіх «чорных кнігах» [уносіліся людзі, замяшаныя ў рэпрэсіях, гвалце, фальсіфікацыях і даносах — НН] і на ўласнай скуры адчуў, што такое булінг. Але я ніколі не здымаў дэпутацкі значок, у адрозненне ад тых, хто ў 2020 годзе баяўся з ім выйсці ў краму», — заяўляе ён.
Зараз Хіжняк збірае подпісы ў падтрымку сваёй кандыдатуры. Аднак, паводле яго слоў, гэта значна складаней, чым у мінулыя разы, бо многія людзі, падпісваючыся за таго ці іншага кандыдата ў 2020 годзе, рызыкавалі страціць працу ці патрапіць у «забароненыя» спісы.
Аляксандр кіруе калектывам у «БелНДІградбудзе», дзе працуе каля 150 чалавек, з якіх амаль палова — моладзь. Як сцвярджае Хіжняк, яму не даводзілася звальняць супрацоўнікаў «за палітыку» ці за подпісы. Тым не менш, калі ў калектыве пачалі адчуваць «трэнд на разбурэнне», ён лічыў неабходным пагаварыць з калегамі.
«У нас на прадпрыемстве не было затрыманняў, «сутак» і «сініх азадкаў». Але я разбіраўся з кожным. Тыя, хто хацеў сысці, абапіраючыся на свае перакананні, непаразуменне ці немагчымасць «жыць у гэтай дзяржаве», гэты выбар зрабілі і сышлі. Па артыкуле я нікога не звольніў. У калектыве мы гэтую старонку перагарнулі», — пераконвае ён.
Падчас выбараў-2020 Хіжняк кіраваў раённай выбарчай камісіяй у Фрунзенскім раёне Мінска. У яго ўваходзяць і станцыя метро «Пушкінская», і Каменная Горка — адны з ачагоў пратэстаў.
Кіраўніцтва РППС на наступны дзень выступіла з рэзкай крытыкай выбараў і заклікала правесці новыя.
Гэтая пазіцыя не была ўзгоднена з актывам, сцвярджае Аляксандр Хіжняк.
Частка рэгіянальных ячэек адразу ж замарозіла свой удзел «да высвятлення сітуацыі». У выніку ў партыі адбыўся раскол. У снежні 2020 года адбыўся з'езд, старшыня Васіль Задняпраны быў выключаны з шэрагаў арганізацыі.
Канапацкая сцвярджае, што яе каманда збірае ў дзень мінімум па чатыры тысячы подпісаў
Шумчанку, якога не ўзялі кіроўцам на «хуткую», паклікалі кіраваць штабам Канапацкай
«Нават яго прыхільнікі зразумелі, што жыць як раней ужо не атрымаецца». Беларусы расказалі пра атмасферу ў краіне напярэдадні выбараў
Цяпер чытаюць
Лукашэнка даручыў Рыжанкову пачаць перамовы з літоўцамі8
Каментары
Угрюмо люди прячутся в пальто.
На крик : "Когда же эта Сволочь сдохнет?...". Уже никто не спрашивает: "Кто?"